Сӥлы каризы нылкышноосты

Удмурт Дунне
By Удмурт Дунне Март 13, 2018 14:01

Нылкышноослэн калыккуспо нуналзылы сӥзьыса, Кун Кенешысь КПРФ фракциысь депутатъёс пӧртэм удысъёсын тыршись кышномуртъёсты котырес ӝӧк сьӧры ӧтчазы. Куноос лыктӥзы Ижысь, Дэри, Пичи Пурга, Кияса но Вотка ёросъёсысь.

Депутатъёс нылкышноосты тодматӥзы республикамылэн улэм-вылэменыз, Кун Кенешысь музее пыртаса. Собере кутскизы ӟечкыланъёс. Нылкышноослы шуныт кылъёссэс веразы КПРФ фракциен кивалтӥсь Алексей Конорюков, Удмуртиысь офицеръёслэн союзэнызы кивалтӥсь Валерий Ходырев, Кун Кенешысь депутатъёс Павел Чушъялов но Пётр Басов. Пичи Пурга ёросысь Яган-Докья гуртысь Анна Ивановна Вологжанинаез гуртазы музей кылдытэмез но отын лулысь-сюлмысь тыршемез понна Кун Кенешлэн Тӧроез Алексей Прасолов Таукаронэн пусйиз.

Нылкышноосты чебересь кырњанъёсын шулдыртӥз Удмуртиысь дано артист Геннадий Ганьков.

Любовь Тихонова
udmgossovet.ru

Удмурт Дунне
By Удмурт Дунне Март 13, 2018 14:01