Прокурор кужмысь эмъяськыны келяз

Эдуард Степанов
By Эдуард Степанов Март 29, 2018 14:50

Паласькись туберкулёзэн висись муртъёс одно эмъяськыны кулэ.

Можга ёросысь 31 аресъем воргорон, та черлэсь стационарын эмъяськыкуз, режимез ялан тӥялляз. Со понна больницаысь сое уллязы, ивортэ Можгаысь ёрос куспо прокуратура.

Озьы кышкытлык кылдӥз, воргорон черзэ мукет адямиослы палалоз шуыса. Законын гожтэмын: паласькись туберкулёзэн висись мурт эмъяськонлэсь пега ке, сое кужмысь эмъяны кулэ. Со понна туберкулёзэн нюръяськонъя нимысьтыз больницаосын возёно.

Можгаысь суд Прокуратура ӵектэмъя та воргоронэз кужмысь эмъян понна спецбольницае интыяны косӥз.

Эдуард Степанов

Туспуктэм: mzinov.edusite.ru

Эдуард Степанов
By Эдуард Степанов Март 29, 2018 14:50