«Нуныкай» центрын 2 кылын вераськись нылпиос понна театръя студия ужа

Удмурт Дунне
By Удмурт Дунне Март 27, 2018 10:34

Сое кылдытыны курыса, вазиськизы вал центре ветлӥсь нылпиослэн анай-атайёссы. Студия чакламын удмурт нылпи передачаосты нуисьёсты дасян понна. Пиналъёсты вуоно актёръёс луыны дышетэ «Мынам Удмуртие» телерадиокомпаниысь журналист, «Шудон корка» передачаез нуись Ольга Фархутдинова.

Студие ветлӥсь пиналъёс арняяз одӥг пол пумиськыло нимаз 5-7 аресъемъёс но 8-9 аресъемъёс.

— Театр — аспӧртэм дунне, нылпиослы со мылкыдъёс ласянь туж матын, — пусъе О. Фархутдинова.

Шудон пиналъёслэсь быгатонлыкъёссэс усьтыны юрттэ, лул дуннезэс узырмытэ. Театре ветлӥсь нылпиослэн быгатонлыксы юнма: соос уг кепырало, калык азьын асьсэдыз сэзь возё, удмурт кылын но ӵемгес верасько.

Студие ветлӥсь пиналъёс арняяз одӥг пол пумиськыло нимаз 5-7 аресъемъёс но 8-9 аресъемъёс. Покчиосыз «Теремок» выжыкылъя «Лы корка» мунё спектакль дасяло, бадӟымъёсызгес «Сяртчы» выжыкылэз пукто.

Студилэсь пайдалыксэ шӧдӥзы ини анай-атайёс но. Соос асьсэ вотэс бамъёсазы пусъё: «Кельшиз занятиослэн радлыксы — пиналъёс вераськизы но, пӧйшуръёслэсь но нымы-кибыослэсь удмурт нимъёссэс но тодазы вайизы».

Студилэн ужан радлыкез сярысь тодыны луэ «ВКонтактеысь» «Нуныкай» центрлэн бамысьтыз.

«Билингва» центр
Фото «Билингва» центрлэн архивысьтыз

Удмурт Дунне
By Удмурт Дунне Март 27, 2018 10:34