Кема дыр ӵоже алимент тырисьтэм муртэ ивортэк ышемен лыдъяны быгатозы

Эдуард Степанов
By Эдуард Степанов Март 13, 2018 15:18

Алиментъёслэсь пегась адямиосты судъя приставъёс утчало. Табере соос ӧз шедьтэ ке, судэ вазиськозы, сое ивортэк ышемен лыдъяны курыса. Нош огназ пинал будэтӥсь муртлэн правоез кылдоз пособие басьтыны.
Таӵе учыръёс азьвыл но вал ини. Но та дырозь со законэн юнматэмын ӧй вал. Соин куд-огезлэн ӧз пӧрмылы алимент тырисьтэм муртэ ивортэк ышемен ялыны но пособие басьтыны. Ивортэк ышемын шуыса лыдъяське вал полициен утчам мурт гинэ.
Выль законъя та пумысен судэ вазиськыны табере быгато приставъёс но. Озьы алимент басьтытэк улӥсьёс, пособие курыны сяна, тыриськонлэсь пегасьёслэсь ваньбурзэс но асэстыны быгатозы ни.

Эдуард Степанов

Туспуктэм: r18.fssprus.ru

Эдуард Степанов
By Эдуард Степанов Март 13, 2018 15:18