Глазовъёс улон котырзэс ӟечомытон понна 6 проект малпазы

Удмурт Дунне
By Удмурт Дунне Март 13, 2018 09:30

Одӥгез герӟаськемын Город садэз выльдонэн.

Та вакытлы глазовъёс Горсадзэс сяна, дэмлало на Павлик Морозовлы сӥзем скверез, Крезьгуръя нылпи школа вӧзысь скверез, К. Маркслэсь бульварзэ, Горький паркез, Мужестволы сӥзем аллеязэс выльдыны.

Город шорысь интылы выль шокчон сётыны кичӧлтӥсь луиз Глазовысь егит мурт Валентин Наговицын. Проект понна калык дурбасьтӥз ке, татын кылдозы пиналъёслы шудон площадкаос, шутэтскон интыос, велосипедэн ворттылон сюресъёс. Паркез выльдонлы дурбасьтэ Глазов городлэн йырыз Олег Бекмеметьев но. Со пусъе, Чупчи дурысь парк вашкала дырысен глазовъёслэн яратоно шутэтскон интызы.

Вераны кулэ, Город пушкын сад пушйыны быгатоз «Формирование комфортной городской среды» проект улсын. Но кылдоз-а Глазовын аспӧртэмлыко инты, али потэ адямиослэн мылкыдзы бордысь гинэ. 6 ӵектэм интыосъя куара сётон ортчоз 18-тӥ мартэ. Та вакытлы глазовъёс Горсадзэс сяна, дэмлало на Павлик Морозовлы сӥзем скверез, Крезьгуръя нылпи школа вӧзысь скверез, К. Маркслэсь бульварзэ, Горький паркез, Мужестволы сӥзем аллеязэс выльдыны.

Ангелина Снигирёва

Туспуктэм: udmurt.ru

Удмурт Дунне
By Удмурт Дунне Март 13, 2018 09:30