Бадӟым удмурт диктантэз гожтозы 100 пӧртэм интыосын

Удмурт Дунне
By Удмурт Дунне 27 марта, 2018 14:15

Бадӟым удмурт диктантэз гожтомы ни таяз кӧснуналэ, 31-тӥ южтолэзе. Туэ шонер гожъяськемздэс эскерыны быгатозы 100-лэсь уно интыосын.

Акцие пырисько шаерысьтымы вань ёросъёс, городъёс, озьы ик бускель улосвылъёсысь удмурт гуртъёс. Кызьы ивортэ «Удмурт Кенеш» огазеяськон, палэнысь удмуртъёс пӧлын тужгес трос площадкаос — 11 — усьтэмын луозы Татарстанын. Удмуртиын, кылсярысь, люкаськозы Алнашысь ёрос библиотекае, Г. Красильников нимо школае, Глаз ёросысь Пусоошур, Куреггурт шуколаосы, Пичи Пургалась ёрос библиотекае, 1-тӥ номеро школае… Вань интыос сярысь тододы татысь:

Пӧртэм улосвылъёсын

Удмуртиын

Азьвыл аръёсы сямен ик, диктантэз гожтомы, нимаз интые люкаськыса но, «Мынам Удмуртие» радиоез кылзӥськыса но. Озьы но, тазьы но диктант чузъяськыны кутскоз 13 часын.

Туэ текстэз гожтӥз тодосчи Александр Шкляев, со сӥземын Кузебай Гердлы — уго туэ ми дано югдытӥсьлэн вордӥськем дырысеныз 120 арзэ пусйим.

Котьку сямен гожтэм ужъёсты эскерозы Удмурт кылосбуръя, финноугроведениея но журналистикая институтысь тодосчиос. Радио пыр гожтэм ужъёстэс ыстыны быгатӥськоды «Мынам Удмуртие» ТРК-е 9-тӥ оштолэзёзь таӵе адресъя: Ижкар, Песочной урам, 9-тӥ юрт, гожтэттэс «Бадӟым удмурт диктант» шуыса пусъе. Яке ыстэ diktant2018@mail.ru электрон почта пыр.

Йылпумъянъёс лэсьтэмын луозы 30-тӥ оштолэзе но печатласькозы «Мынам Удмуртие» ТРК-лэн вотэс бамаз но «ВКонтактеысь» «Бадӟым удмурт диктант» огинын (vk.com/udmurtdiktant).

Тодады вайытӥськом, удмурт диктантлы дасяськон сямен «Удмурт дунне» газетлэн бамъёсазы печатласькылӥзы текстъёс. Котькуд адями соос вылын тодон-валанъёссэ эскерыны быгатӥз. Ваньмыз соос печатламын udmdunne.ru вотэсбамын.

Нош ӟуч диктантэз туэ гожто 14-тӥ оштолэзе, текслэн авторез луэ бигер-ӟуч гожъяськись Гузель Яхина.

Сергей Захаров

Удмурт Дунне
By Удмурт Дунне 27 марта, 2018 14:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<