Бадӟым удмурт диктант сӥземын луоз Кузебай Гердлы

Удмурт Дунне
By Удмурт Дунне Март 1, 2018 11:16

Туэ Бадӟым удмурт диктант 31-тӥ южтолэзе ортчоз, сое гожтон площадкаос усьтӥськозы бускель улосъёсын но. Со сярысь вераськизы «Удмурт Кенешлэн» кылем арняе ортчем кенешоназ.

Ужрад вань интыосын огвакытэ кутскоз — удмурт дыръя 13 часын. Туэ нырысьсэ со ӟуч Тотальной диктантлэсь люкемын луоз. Азьвыл сямен ик вань мылкыд карисьёс быгатозы гожтыны текстэз «Мынам Удмуртие» радио пыр яке площадкаосы лыктыса. Соос усьтӥськозы ёросъёсын но, Ижкарын но. Шоркарын, котьку сямен, гожтыны мылкыд карисьёсты пумиталозы Удмурт кун университетын, Йӧскалык библиотекалэн шаертодонъя ёзаз но Эшъяськон юртын.

— Умой луысал, Татарстанысь, Башкортостанысь, Киров, Пермь но мукет улосъёсысь удмуртъёс но та акцие пыриськысалзы ке. Тыршомы радъяны та ужез, — шуиз «Удмурт Кенешлэн» тӧроез Татьяна Ишматова.

Туэ диктантлэн текстэз сӥземын луоз Кузебай Гердлы, угось удмурт азьветлӥсь вордскем дырысен 120 ар тырмиз. Гожтоз сое удмурт литературовед, Гердлэсь творчествозэ мур эскерись тодосчи Александр Шкляев.

Елена Рябина

 

Быдӟым удмурт диктант: Эскеры астэ, текстэз тупатъяса

Удмурт Дунне
By Удмурт Дунне Март 1, 2018 11:16