Александр Бречалов пумиськылӥз Глазовысь студентъёсын

Удмурт Дунне
By Удмурт Дунне Март 12, 2018 19:25

Туннэ Удмуртилэн Тӧроез Александр Бречалов пумиськылӥз Глазовысь  дышетӥсьёсты дасянъя В. Короленко нимо институтысь студентъёсын.

Егитъёсты пӧртэм юанъёс сюлмаськыто: туризмез азинтон, асьме кадръесты будэтон но соосты шаерамы ик кельтон, трос юанъёс герӟаськемын вал А. Бречаловлэн улон но уж шоры учкемез, семьяез сярысь. Но солэсь но тросгес вал кичӧлтонъёс. Кылсярысь, спортэз гажась студенъёс дасязы спорт площадказэс котыр ласянь ӟечомытон пумысен проект. Талы Тӧро шуиз: лыдъяно, кӧня сое быдэстонлы уксё кулэ луоз, учконо маин юрттыны быгатоз элькун. Эшшо одӥгез проект герӟаськемын вал ляб адӟись нылпиослы лыдӟиськон книгаос лэсьтонэн. Небыт книгаос лэсьтыны кутскиллям студентъёс. Ужзэс азинтон понна соос юрттэт купизы Тӧролэсь. Александр Бречалов дурбасьтӥз ӟеч ужзылы, одно ик юрттом шуиз. Пумиськонэз йылпумъяса, Александр Владимирович тужгес тунсыко юан сетӥсьёслы книгаос кузьмаз, студенъёс но буш киын лыктӥллямтэ — соос кивалтӥсьлы Глазов нимын шуныт кофта кузьмазы.

Ангелина Снигирёва

Туспуктэм: udmurt.ru

Удмурт Дунне
By Удмурт Дунне Март 12, 2018 19:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*