Тол триатлонэ пыриськиз 200 спортсмен

Ангелина Снигирева
By Ангелина Снигирева Март 3, 2018 14:15

Ижысь Киров нимо паркын спортэз яратӥсьёс пӧлын тол триатлонъя ӵошатсконъёс ортчизы. Ог 200 спортмен та амалъя кужымзэ мертаз.

Шарканъёс 3-тӥ инты утӥзы. Паллянысен буре А. Шкляев, Д. Пестов, В. Поткин

Тол триатлонэ, Удмуртиысь сяна, Пермь улосысь, Татарстанысь, Башкириысь, Комиысь спортсменъёс пыриськизы. Толон, 2-тӥ мартэ, вожвылъяськонъёс ортчизы нимаз спортменъёс куспын. Туннэ ӵошатскизы командаос. Татчы пыриськиз Удмуртиысь но Башкириысь 23 команда. Тужгес трос спортсменъёс вал Ижысь предприятиосысь. Озьы ик тол триатлонын кужымзэс мертаны мылкыд каризы Шаркан, Дэбес, Сюмси, Алнаш ёросъёсысь спортсменъёс но. Командаын быдэн 3 адями вал. Котькудӥз аслэсьтыз этапсэ ортчиз: нырысетӥез пыдын бызьылӥз, кыкетӥез велосипедэн ворттылӥз, куинетӥез куас вылын нискылаз.

Нырысетӥ этапысен ик азьпал радын возиськизы шарканъёс, но куасэн бызьылыкузы, соосты азьпалтӥзы «Ижевские электросети» но «Динамо» командаос. Соос 1-тӥ но 2-тӥ интыосты утӥзы, Шарканысь спортсменъёс 3-тӥ луизы.

Ваньмыз ӵошатсконъёсы пыриськемъёс медальёсын но кузьымъёсын пусъемын вал.

Ангелина Снигирёва

Фото Ангелина Снигирёва

Ангелина Снигирева
By Ангелина Снигирева Март 3, 2018 14:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*