Удмурт элькун но «Восточный» банк куспын огкыл кутэмын

Удмурт Дунне
By Удмурт Дунне Февраль 12, 2018 10:10

Кылем арня пумын, 9-тӥ тулыспалэ, Удмуртилэн Тӧроез Александр Бречалов пумиськылӥз «Восточный» банклэн правлениезлэн тӧроеныз Дмитрий Левинэн. Элькунмы но банк куспын валче ужан пумысен огкыл кутэмын.

Удмуртилэн Тӧроез Александр Бречалов пумиськылӥз «Восточный» банклэн правлениезлэн тӧроеныз Дмитрий Левинэн

Шаерысьтымы пичи уж бергатӥсьёслы банк пӧртэм ласянь юрттӥськыны соглаш луэ, пунэмаськисьёслы уксё висъян сяна, ужбергатӥсьёслы пӧртэм юанъёссэс сэрттыны-пертчыны юрттӥсь центр кылдытэмын луоз.

— Векчи бизнес — татын ми тужгес но висъяськом IT-удысэз — ми понна валтӥсь интыын сылэ, со экономикамес кышкытлыклэсь уте, матысь 5 ар ӵоже ми сое котыр ласянь азинтыны тыршом. Татын милемлы «Восточный» банк туж зол юрттӥськоз, — шуиз Александр Бречалов.

— Удмурт Элькун Россилэн технологической шоркарезлы пӧрме ни. «Восточный» банк туала амалъёсты азинтонлы бадӟым саклык висъя. Соин ик ми понна та огкылэз кутон — со ӟеч вамыш, — пусйиз Дмиртий Левин.

Сергей Захаров

Туспуктэм:  udmurt.ru

Удмурт Дунне
By Удмурт Дунне Февраль 12, 2018 10:10