Спортэз яратӥсьёслэн шудонъёсазы удалтоз айфон, путёвка, велоспиед утыны

Удмурт Дунне
By Удмурт Дунне Февраль 28, 2018 16:50

Таяз шутэтскон нуналъёсы, 2-тӥ-4-тӥ южтолэзе, Ижын ортчозы Россиысь спортэз яратӥсьёслэн нырысетӥ шудонъёссы. Вормисьёслы но ӵошатсконъёсты учкисьёслы дуно кузьымъёс дасямын: Сочие путёвка, велосипедъёс но 13 айфонъёс, 300 сюрс манет тыр кузьымъёс.

Шудонъёс усьтӥськозы 2-тӥ южтолэзе Киров нимо паркын 19.00 часын. Калыкез шулдыртозы Брангуртысь песянайёс, «Айкай» театр но нылпи коллективъёс. Со сяна, лыктэм куноос куспын пӧртэм кузьымъёс люкылэмын луозы. Соосты басьтон понна ужрад нуиськез сак кылзӥськоно но сётэм юанэзлы СМС пыр валэктоно лэзёно.

Нырысетӥ юанлы 10 шонер валэктон сётӥсьёс «Титан» компанилэсь футболка но шейкер утозы, куинетӥ юанлы тужгес шаплыез валэктон сётӥсь утоз велосипед, ньылетӥ юанэз тодӥсьлы — айфон. Нош витетӥ юанэз шонер сэрттӥсь утоз Сочие путёвка, со 2 адямилы чакламын. Лотерея ортчоз ӵошастконъёсы пыриськисьёс пӧлын но: шудоосызлы сюрозы айфонъёс, гидрокостюм но велосипед.

Спортэз яратӥсьёс 7 амалъя ӵошатскозы: куасэн бызьылон, биатлон, конькиен нискылан, тол триатлон, кёрлинг, сноуборд но гурезьысь куасэн нискылан.

Таӵе ӵошатсконэ пыриськон понна коньдон тыроно ке но, 1500 пала адями гожтӥськиз ни. Тужгес трос биатлонэ — 342 адями — но куасэн бызьылонэ — 693 адями.

Кытын но ку ортчозы ӵошатсконъёс, учкыны быгатӥськоды mastersgames.ru вотэс бамысь. 0+

Удмурт Дунне
By Удмурт Дунне Февраль 28, 2018 16:50
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*