Россиысь инвестициосъя форумын Удмуртия 11 огкыл кутыны медэ

Удмурт Дунне
By Удмурт Дунне Февраль 9, 2018 14:40

Озьы шаерамы оглом 20 миллиард манет тыр инвестициос кыскемын луозы. Тужгес бадӟымъёсыз пӧлысь — «ВИС» группаен огкыл.

«ВИС» группаен огкыл кутыса, элькунмы бадӟым малпанъёссэ улонэ пыӵатыны 15 миллиард манет пала кыскоз.

— Улонэз но экономикаез умоятон понна сюресъёс лэсьтоно. Та бордын ик гижысь-пиньысь ужалом, — шуэ Удмуртилэн Тӧроез Александр Бречалов. — Форумын ми малпаськом шедьтыны сюрес предприятиосмылы выль кузё но поттэм уксёенысы гуртъёсысь 62 сюресъёсты тупатъяны — отӥ зор-кот куазен ветлыны али уг луы. Озьы ик малпаськомы Камбаркаын кылдытыны логистикая центр — со Приволжск федерал округын тужгес бадӟымес луоз. Соин валче 100-лэсь трос выль ужан интыос кылдозы.

Форум дыръя озьы ик чалкамын шаерамы кыскыны Россиысь но кунгож сьӧрысь бадӟым инвесторъёсты. Чакламын ӵошен ужан пумысен 20 миллиард тыр 11 огкыл кутыны.

Вераны кулэ, инвестициос кулэ луозы Алнаш — Пичи Пурга дунын сюрес ӝутон,  «Камбарка» порт, «Ижевск Арена» йӧ дворец лэсьтон понна.

Сергей Захаров

Удмурт Дунне
By Удмурт Дунне Февраль 9, 2018 14:40