Михаил Хомич — «Россиысь азьветлӥсьёс» вожвылъяськонын вормемъёс пӧлын

Удмурт Дунне
By Удмурт Дунне Февраль 14, 2018 15:38

Удмуртилэн Тӧроезлэн Россиысь Президент бордын ужась представительствоеныз кивалтӥсь Михаил Хомич.

Кылем арняе йылпумъяськиз «Россиысь азьветлӥсьёс» вожвылъяськонВормисе потӥзы 100 кивалтӥсьёс. Пӧлазы — Удмуртилэн Тӧроезлэн Россиысь Президент бордын ужась представительствоеныз кивалтӥсь Михаил Хомич.

Сочие люкаськизы вожвылъяськон пыр ортчем 300 азьветлӥсьёс. Ваньзылы быдэн миллион манетэн висъямын ни — та уксёез соос дышетскыны гинэ кутыны быгатозы. Но та 300 адями эшшо но векчигес сӥс пыр ортчиз на, вормизы 100-ез. Та муртъёс, визь-кенеш курыса, быдэс ар ӵоже вазиськыны быгатозы Россиысь тодмо кивалтӥсьёслы. Кылсярысь, Россиысь Президентлэн администрациеныз кивалтӥсьлы А. Вайнолы, кунсьӧр ужъёсъя министрлы С. Лавровлы, обороная министрлы С. Шойгулы но мукет нимо-дано адямиослы.

Сергей Захаров

Туспуктэм: udmurt.ru

Удмурт Дунне
By Удмурт Дунне Февраль 14, 2018 15:38