Кузебай Герд нимо гимназие нырысетӥ классъёсы кутозы 75 пиналэз

Удмурт Дунне
By Удмурт Дунне Февраль 1, 2018 15:00

Туннэ Кузебай Герд нимо гимназиын кутскиз 1-тӥ классэ гожтӥськон. Выль дышетскон арын возьмало 75 пиналэз, нош мылкыд карисьёс чараклы тросгес.

Гимназилэн директорезлэсь ужзэ быдэсъясь Владимир Волков верамъя, кык амалэн гожтӥськон радъямын. Куриськон сётыны луэ электрон амалэн но киын гожтыса. Вотэс пыр куриськонъёс вуыны ӧдъязы ни кылем арын ик — соос 100-лэсь ятыр вал. Озьы ке но огзэ но кутыны ӧз луы — пусъем дыр 1-тӥ февраль 10 час.

Нош «пыдын» лыктӥсьес быдэс арня рос-прос ӧз ни изелэ. 25-тӥ толшоре кылдӥз нимтулъёсын нырысетӥ список — отчы 77 мурт гожтӥськиз.

Котьма ке но, удалтоз 30 муртлы гинэ. Угось 1-тӥ класъёсысь 46 инты висъямын ни гимназия бордысь нылпи садэ ветлӥсь тэшкылиослы. Соин ӝыныез интыос шедезы Интернет пыр гожтиськисьёслы, 15 интыез — гимназие «пыдын» лыктӥсьёслы.

Нялтас вераса, гимназие лыктыны мылкыд карисьёслэсь куриськонъёссэс кутозы 5 ужан нунал ӵоже 7-тӥ тулыспалозь. Соку ини рос-прос тодмо луоз, кӧня мылкыд карисьёс удмурт гимназие ветлыны.

Гимназие гожтӥськон сярысь репортажез лыдӟыны быгатоды “Удмурт дунне” газетлэн вуоно номерысьтыз.

Алёна Ионина

Удмурт Дунне
By Удмурт Дунне Февраль 1, 2018 15:00