Ижысь 9-тӥ январь ульчаын кылдоз палэзьпу сквер

Удмурт Дунне
By Удмурт Дунне Февраль 9, 2018 11:44

Ижысь 9-тӥ январь ульчаын кылдоз палэзьпу сквер

18-тӥ мартэ, Россилэсь Президентсэ быръёнъёсын ӵош, Ижын, Ува но Эгра каргуртъёсын улӥсьёс мылкыдзэс вералозы, трос калык люкаськылон кыӵе интыосты азьло ик тупатъяно.

Та интыетӥ вазен кыстӥсько вал шуныт сётон гумыос. Али соосты музъем улэ ватӥзы, озьы калыклы шутэтскон инты кылдытыны луонлык сюриз.

 

 

Ижын улӥсьёслы ӵектэмын луоз 15 инты: Шор площадь, С. Киров нимо парк, Иж тыметлэн ярдуръёсыз, Красногеройской урам… Списокысь 13-тӥ интыын — «Рябиновый» сквер. Шоркарын улӥсьёсты та нуналъёсы пыр-поч тодматӥзы, кыӵе со луыны кулэ. Индустриальной ёрос администрацие уката мыло-кыдо лыктӥллям 9-тӥ Январь урамын улӥсьёс. Угось ӵапак соослэн укно улазы кылдыны кулэ ӵыж-горд палэзьёсын пиштӥсь сквер.

— «Рябиновый» шуиськом ке, отын одно палэзьпуосыз луыны кулэ, чакламын ог 40 пуд мерттыны, — вераз проектлэн архитекторез Любовь Яковицкая. — Со сяна, выжыятом пужымъёс, бадяръёс, спиреяос…

Ижысь 9-тӥ январь ульчаын кылдоз палэзьпу сквер.

Та интыетӥ вазен кыстӥсько вал шуныт сётон гумыос. Али соосты музъем улэ ватӥзы, озьы калыклы шутэтскон инты кылдытыны луонлык сюриз. Чакламъя, отчы лэсьтозы бадӟым сцена, пӧртэм арлыдъем пиналъёслы шудон площадкаос, луоз скандинав амалэн поръяны, велосипедэн, скейтбордэн, роликъёсын ворттылыны, тренажёръёсын 3 спортплощадкаос усьтӥськозы. Пуныосын поръяны инты но сюроз, тросэзлы кельшыны кулэ бадӟым ӟечыран — отчы огдыре 8-10 мурт пуксьыны быгатоз… Ваньмыз та 40 миллион манет тыр луоз, коньдон лыктыны кулэ «Городская среда» кун программа чотын.

«Рябиновый» проектэн тодматсконэ лыктэмъёс ӵектонэз туж умоен лыдъязы. Куд-огез сюлмаськемзэс веразы ке но: егитъёс отын уй но, нунал но уз ӵашетэ-а? Калык бервылзэ утялтоз меда?

— Котькуд куак улэ, валамон, полицейскоез пуктыны уз луы, — веразы Индустриальной ёрос администрациын. — Асьмелы куке но дышетсконо чылкытлыклы. Нош сквер лыдъяськоз трос калык люкаськылон интыен — отын кудӟытӥсь суретъёсты юыны уз яра.

Зэм, ку та сквер луоз — али нокин вераны уг быгаты, ваньмыз потоз куара сётон бордысь. Соин ик Индустриальной ёросын улӥсьёс али люкиськемын, шуыны луоз. Одӥгъёсыз «Рябиновый» сквер лэсьтыны, мукетъёсыз Космонавтъёслэсь парксэс, куинетӥосыз  Кызьпу арамаез выльдыны куро.

Кызьпу арама город администрацилэн списоказ — 10-тӥ интыын. Но солэн проектэз быдэсак дась ӧвӧл на. Индустриальной ёрос администрациын оскытӥзы: проектъя кылзонъёс 18-тӥ март азьын одно  луозы.

Элина Кумачёва

 

Удмурт Дунне
By Удмурт Дунне Февраль 9, 2018 11:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*