Ижын люкаськылӥзы Президентэ кандидатлэн Владимир Путинлэн оскем муртъёсыз

Удмурт Дунне
By Удмурт Дунне Февраль 14, 2018 17:25

Пумиськонэ пыриськизы Россиысь калыкъёслэн ассамблеязылэн кивалтӥсез Светлана Смирнова, Удмуртиысь калыкъёслэн ассамблеязылэн кивалтӥсез Владимир Байметов, «Купол» заводлэн директорез Фанил Зиятдинов, биатлонист Иван Черезов но мукетъёс. Соос вераськизы Россиысь но Удмуртиысь огъя югдур сярысь, пусйизы сюлмаськонъёсты но, вормонъёсты но.

Люкаськемъёс ваньзы сямен ик пусйизы: ӟечез ӧжыт ӧвӧл, со сярысь одно ик верано, ог-огедлэсь адӟем карыны тыршоно. Но со дыре ик вунэтоно ӧвӧл сюлмаськонъёс сярысь но.

Кылсырясь, Фаниль Зиятдинов пусйиз:

— Али ваньмыз шуо: мар вал совето вакытъёсы, вунэтэмын, пе. Но со озьы ӧвӧл. Мон зэмос производство удысын ужасько бере, ачим адӟисько но вераны быгытӥсько. Азинскон кутске вожвылъяськон, конкуренция бордысен. «Купол» предприятие пырись заводъёсмы али азинско, дуннеысь стандартъёсъя ужало ни. Со сяна, ми ум вунэтӥське егитъёсмес но, ветеранъёсмес но. Али предприятиямы 8 сюрс 500 пала ужасьмы. Бадӟым кужым. Арлы быдэ 40 миллион манет висъяськомы ветеранъёсмес эмъяны, соослы пӧртэм ужрадъёс ортчытъяны. Оглом 4 сюрс 500 пала ветеранъёсмы. Егитъёсмы 2 сюрс 500 пала. Соослы ортчытъяськом пӧртэм турслётъёс, тренингъёс, спорт ӵошатсконъёс.

Люкаськемъёс ваньзы сямен ик пусйизы: ӟечез ӧжыт ӧвӧл, со сярысь одно ик верано, ог-огедлэсь адӟем карыны тыршоно. Но со дыре ик вунэтоно ӧвӧл сюлмаськонъёс сярысь но. Удмуртиын но Россиын улон ӟечгес мед луоз шуыса, огъя кариськыса трос ужано на.

Котрес ӝӧк сӧрын вераськон бере егит волонтёръёсын пумиськон ортчиз на.

Елена Васильева

Туспуктӥз Елена Васильева

Удмурт Дунне
By Удмурт Дунне Февраль 14, 2018 17:25