Ижын Быдӟым ожлы но утчаськон ужлы сӥзем адӟытон усьтӥськиз

Удмурт Дунне
By Удмурт Дунне Февраль 9, 2018 15:40

Туннэ Ижысь Чугун сюреслэсь историзэ утёнъя музейын (Гагарин ульчаысь 18-тӥ юрт) «Я был на той войне, которая была…» адӟытон усьтӥськиз. Со ужалоз толэзь ӵоже.

2014-тӥ арын, 357-тӥ дивизилэн бырем интыостӥз утчаськон ужъёс нуыкузы, «Долг» огазеяськонысь поисковикъёс 41 ожгарчиослэсь лысьӧмъёссэс но 3 медальонъёссэс шедьтӥзы.

Выставка маде шаерысьтымы поисковикъёслэн ужамзы сярысь — мар соос лэсьтӥзы но мае шедьтӥзы 25 ар ӵоже.

— Та адӟытонмылэн валтӥсь ужпумез — калыкез Быдӟым ожлэн историеныз утчаськон уж пыр тодматон, — шуо радъясьёс, «Долг» огазеяськонысь поисковикъёс.

Со сяна, выставкаын бадӟым саклык висъямын 1901-тӥ арын Кез ёросысь Камаево гуртын вордскем ожгарчилэн Григорий Фёдорович Чирковлэн улон сюресэзлы. 40 аресаз воргоронэз фронтэ басьто. Со сюре Камбарка ёросысь Шолья станциын формировать карем 357-тӥ стрелковой дивизие.

39-тӥ армилэн 357-тӥ стрелковой дивизиез нырысьсэ пыриськиз оже 1942-тӥ арын 19-тӥ толшоре Калинин фронтын.

39-тӥ армилэн 357-тӥ стрелковой дивизиез нырысьсэ пыриськиз оже 1942-тӥ арын 19-тӥ толшоре Калинин фронтын. Смоленск улосысь Сычёвка гурт (али город) дорын операция мыныку, тушмон дивизиез котыртӥз. Но асьме ожгарчиос ӧз сётске — пумозяз ожмаськизы. Озьы уноез удмурт солдатъёс понна ож кыстӥськиз кӧня ке нунал гинэ . Соку ик быриз Григорий Чирков но. «Мемориал» сайтын со сярысь ивортэмын: быриз 1942-тӥ арын 20-тӥ толшоре, ватэмын Смоленск улосысь Сычёвка гуртын.

2014-тӥ арын, 357-тӥ дивизилэн бырем интыостӥз утчаськон ужъёс нуыкузы, «Долг» огазеяськонысь поисковикъёс 41 ожгарчиослэсь лысьӧмъёссэс но 3 медальонъёссэс шедьтӥзы. Огзэ гинэ медальонэз мырдэм лыдӟыны луиз — солэн кузёез вылэм Григорий Чирков.

Выставка маде шаерысьтымы поисковикъёслэн ужамзы сярысь — мар соос лэсьтӥзы но мае шедьтӥзы 25 ар ӵоже.

Адӟытонын озьы ик тодматскыны луэ пӧртэм ож тӥрлыкен, Советской армиысь солдатъёслэн дӥськутэнызы но котыръёсынызы. Тушмонлэн ож тӥрлыкез но вань. Со арбериосыз Удмуртиысь поисковикъёс шедьтӥзы, Мурманск, Ленинград, Псков, Смоленск, Новгород, Краснодар улосъёсы, озьы ик Карелие но Белоруссие экспедициосы потакузы, 25 ар ӵоже.

Елена Рябина

Удмурт Дунне
By Удмурт Дунне Февраль 9, 2018 15:40