«Бизнес-успех» премиен пусъемын Удмуртиысь ужбергатӥсь Игорь Мельников

Удмурт Дунне
By Удмурт Дунне Февраль 8, 2018 15:40

Россиысь ужбергатӥсьёс куспын «Бизнес-успех» вожвылъяськон ортчиз Москван 6-тӥ-7-тӥ тулыспалэ. Финалэ потӥз шаерысьтымы 3 адями.

Мытэм ужез понна Игорь Мельниковлы сётэмын «Зарни домкрат» пус.

Егитъёс пӧлын вожвылъяськизы «Боксглас» компаниысь Игорь Мельников, «Прядки в порядке» парикмахерскойёслэн кивалтӥсьсы Константин Сунцов, интернет-проектъёсын вырисьёс пӧлын — «Торуда» интернет-магазин возись Фарид Гарипов. Дунъясьёс соку ик синйылтӥзы Игорь Мельниковлэсь проектсэ — уго со туала. Солэн «Боксглас» компанияз лэсьто ватсам дунне амалэн ужась очкиос. Соосты дӥсяса, адямиос азьын пӧртэм суредъёс улӟо. 3 ар ӵоже татын поттэмын 300 сюрс пала таӵе очкиос.

Мытэм ужез понна Игорь Мельниковлы сётэмын «Зарни домкрат» пус. Сое басьтыкуз, егит ужбергатӥсь пусйиз: та вожвылъяськонэ люкаськемъёс — вормисьёс ни, уго соос быгатӥсьзы усьтыны асьсэлэсь ужзэс. Воргорон озьы ик тау кариз Удмурт Элькунлэн Тӧроезлы, Правительствоезлы, ужбергатӥсьёслы шаерамы бадӟым саклык висъяське шуыса.

— Оскисько: та вормонды улон сюресады берпуметӥез уз луы, со азьлань мыныны, тунсыко малпанъёсыныды Удмуртиез, странамес азинтыны кужым сётоз, — ӟечкылаз егит ужбергатӥсез Удмуртилэн Тӧроез Александр Бречалов.

«Бизнес-успех» вожвылъяськонэ туэ быдэс Россиысь 1617 ужбергатӥсьёс пыриськизы. Федерал округъёсын быръён этапез ортчиз 87-ез. Нош финалозь вуизы 24-ез гинэ.

Сергей Захаров

Удмурт Дунне
By Удмурт Дунне Февраль 8, 2018 15:40
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*