Анай-атайёс Ижысь 5 школаын ЕГЭ гожтӥзы

Удмурт Дунне
By Удмурт Дунне Февраль 21, 2018 17:38

 Парта сьӧры пуксьыны мылкыд каризы школаез йылпумъясь пиналъёслэн анай-атайёссы. 

Экзамен гожтӥсьёслы сьӧразы кутыны лэземын вал паспорт гинэ, нош ручка но экзамен сётон листокъёсты кабинетъёсын люкылӥзы.

56-тӥ гимназие экзамен сётыны лыктэм анай-атайёс пӧлын вал на шаерысьтымы дышетонъя но наукая министерствоын ужасьёс. Школаын дышетскон но дышетӥсьын ужан аръёссэ тодаз вайиз министр Светлана Болотникова.

ЕГЭ гожтӥсьёс пӧлысь тужгес арлыдоез вал Таисья Илларионовна Маргасова. Вань улонзэ школаын ужам дышетӥсь аслэсьтыз тодон-валанъёссэ эскерыны малпам. Наталья Кютлэн пиез школаез йылпумъя. Эскеремез потэм, кыӵе шуг-секытъёс пыр ортчо туала егитъёс, экзамен сётыкузы.

Экзамен гожтӥсьёслы сьӧразы кутыны лэземын вал паспорт гинэ, нош ручка но экзамен сётон листокъёсты кабинетъёсын люкылӥзы.

Азьвыл аръёсы экзаменлы листъёсты Москваысь вутто ке вал, туэ соосты экзамен сётон нуналэ кабинетъёсын печатлалозы.

— Сюлмаськыны мугез ӧвӧл ке но, металлоискатель пыр ортчыса, табличкаосыз адӟыса, сюлэм дыректӥз ик, — шуэ Светлана Болотникова. — Ваньмыз умой радъямын, ЕГЭ гожтыны лыктэмъёс понна инструктаж ортчытӥзы. Монэ паймытӥз мукетыз. Та гимназиысь 11-тӥ классъёсын дышетскисьёс доры пыраса, юай, луэ-а репетиторъёстэк экзаменлы дасяськыны. Нылпиос огкылысь луэ шуизы.

ЕГЭ гожтонлы Удмурт шаер быдэсак дась. Одӥг гинэ воштӥськон вань: азьвыл аръёсы экзаменлы листъёсты Москваысь вутто ке вал, туэ соосты экзамен сётон нуналэ кабинетъёсын печатлалозы. Со понна нимысьтыз техника басьтыны коньдон висъямын.

Валентина Емельянова

Туспуктӥз автор

Удмурт Дунне
By Удмурт Дунне Февраль 21, 2018 17:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*