«Удмуртавтодор» но «Ижевское» предприятиос огазеяськозы 

Удмурт Дунне
By Удмурт Дунне Январь 12, 2018 22:00

Кызьы оскытӥз А. Дворкович, кун ласянь Удмуртилы сюресъёсты тупатъянлы сётӥськись юрттэт азинтэмын луоз.

Туннэ, 12-тӥ январе, Россиысь Правительстволэн Тӧроезлэн воштӥсеныз Аркадий Дворковичен но Россиысь транспортъя министрен Максим Соколовен кенешонлэн валтӥсь ужпумез герӟаськемын вал шаерысьтымы сюресъёсты тупатонэн. 

Нырысь ик, кун кивалтӥсьёс эскеризы Камбарка ёросысь Кама но Буй шуръёс вамен ӝутэм выжъёсты. Та бӧрсьы соос люкаськизы Ижысь «Лада Ижевск» предприятие. Удмуртилэн Тӧроез Александр Бречалов вераз, туэ ар шаерамы сюресъёслы сӥземын шуыса.Озьы ик Тӧро куноосты тодматӥз, кыӵе проектъёс улонэ пыӵаны кутскозы сюресъёсты тупатон ласянь. Нырысь ик, саклык висъяськоз 60-лэсь ятыр урод сюресъёслы — соосын йырин зор-кот куазь дыръя адямиос гуртъёсазы пырыны-потыны шугъясько.

Озьы ик А. Бречалов ивортӥз, сюрес лэсьтонэн вырись «Удмуртавтодор» но «Ижевское» предприятиос огазеямын луозы шуыса. Одӥг ужен вырись 2 бадӟым предприятиосты возьыны кулэлыкез ӧвӧл, соосты огазеяса, тросгес пайда луоз, пусйиз Тӧро. Предприятиослэсь 75 процент акциоссэс вузаса, 3 миллиард манет поттыны луоз. Ог 1,6 миллиардэз таяз арлы планэ пырымтэ гурт сюресъёсты тупатыны мыноз.

Кызьы оскытӥз А. Дворкович, кун ласянь Удмуртилы сюресъёсты тупатъянлы сётӥськись юрттэт азинтэмын луоз. Туэ та удыслы оглом 750 миллион манетлы тросгес коньдон висъямын.

Ангелина Снигирёва
Туспуктэм: udmurt.ru 
Удмурт Дунне
By Удмурт Дунне Январь 12, 2018 22:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*