«Удмурт дунне» газетлэн «Берекет» пукон коркаез сӥземын луоз тунаськонлы

Удмурт Дунне
By Удмурт Дунне Январь 16, 2018 10:03

18-тӥ январе 16.00 часын Ижысь Ф. Васильев нимо библиотекаын ортчоз «Удмурт дунне» газетлэн «Берекет» пукон коркаезлэн пумиськонэз.

Ужрад сӥземын луоз удмурт тунаськонъёслы, вожояськонлы. «Удмурт дунне» газетлэн редакциез ӧте вань мылкыд карисьёсты вашкала сям-йылолъёсты тодэ вайыны.

Тӥледыз витё:

— Тодмо фольклористэн, филология наукаосъя кандидатэн Галина Шушаковаен пумиськон, вашкала удмурт сям-йылолъёс сярысь вераськон;

— Кияса ёросысь Подгорное гуртысь мӧйыосын пумиськон;

— Тунаськонъёс;

— Ижысь «Тюрагай» ансамблен ӵош кырӟан-веранъёс;

— Чай юон вискын сюлмаськытӥсь ужпумъёсъя кенешон.

Озьыен, витиськом тӥледыз таӵе адресъя: Ижкар, Пеонерилы 50 ар ульча, 22 номеро юрт, Ф. Васильев нимо библиотека. Сьӧрады тунаськон арбериос, чай юыны маке пӧрамъёс вайыны луоз.

Юанъёсъя жингыртоно 73-33-42 номеро телефонъя.

Тодӥськоды-а тӥ, мар каро вал вашкала вакытэ Выль ар вуэм бере?

07.01-18.01 — вожояськон  (пӧртмаськон), тунаськон вакыт.

18.01 — вожо уллян. Йӧ вылын тылсконо.

19.01 — куинь ошмесысь улэп ву ваёно.

20.01 — нюлэсмурт кужым кузьма. Капкатӥ потыку, пытьыез сурано.

21.01 — сӥль сиён нунал.

22.01 — мунчое ньылпу вайёсын пыроно.

26.01 — тол дядяй медаз шедьты шуыса, гур вылысь васьканы уг яра. Сое кышкатон амал шедьтоно.

Дырпус лэсьтэмын Ува ёросысь шаерчиен

В. Траткановен.

 

Удмурт Дунне
By Удмурт Дунне Январь 16, 2018 10:03