Туэ бадӟым удмурт диктант гожтом 31-тӥ южтолэзе

Удмурт Дунне
By Удмурт Дунне Январь 31, 2018 17:42

Удмурт диктантлы текстэз, Кузебай Гердлэн вордскемез дырысен 120 ар тырмонлы сӥзьыса, дася кылосбур тодосъя кандидат Александр Шкляев.

Кызьы тодмо, Россиын арлы быдэ тулыс ортчылэ Тотальной диктант — ӟуч кылын шонер гожъяськыны быгатэмзэс эскеро сюрсъёсын адямиос.

Та акцилэсь ӟеч малпанзэ 7 ар талэсь азьло асэстӥз «Мынам Удмуртие» телекомпания но Удмурт кун университетысь со вакытэ удмурт кылосбуръя факультет.

Озьы арлы быдэ Тотальной диктантэн одӥг нуналэ шаерамы но палэнын улӥсь удмуртъёс быгатылӥзы анай кылэз тодэмзэс эскерыны. Но акциез радъясьёс верамъя, адямиос мылкыд каро удмуртаз но, ӟучаз но ужрадэ вуттӥськыны, соин шугъяськонъёс кылдо. Со сяна, умой луысал, диктант юромо чаклам интыын но радио пыр гожъясьёс понна огдыре чузъяськысал ке, шуэ «Удмуртия» ТРК-ысь анай кылын программаос понна кыл кутӥсь Сергей Касаткин.

Соин Нациосын ужан политикая министерство но «Удмурт Кенеш» огазеяськон туэ ӵекто ужмурт диктантэз вазьгес — 31-тӥ мартэ 13 часын — гожтыны. Туэ гожтон интыос радъямын луозы элькунмылэн палэназ но: Татарстанын, Башкириын… Ижын диктант гожтыны луоз, азьвыл чакламъя, Эшъяськон юртын, Удмурт кун университетын, К. Герд нимо гимназиын. Интыосъя пыр-поч ивор луоз бӧрысьгес. Со сяна, диктант гожтыны луоз, дорысь потатэк но — «Мынам Удмуртие» радио пыр кылзыса. Удмуртилэн палэназ улӥсьёс текстэз кылозы радиолэн Интернетысь версиез пыр.

Удмурт диктантлы текстэз, Кузебай Гердлэн вордскемез дырысен 120 ар тырмонлы сӥзьыса, дася кылосбур тодосъя кандидат Александр Шкляев.

Нош ӟуч кылын диктант туэ ортчоз 14-тӥ апреле, текст дася Россиысь тодмо писатель Гузель Яхина.

Зинаида Кириллова

Удмурт Дунне
By Удмурт Дунне Январь 31, 2018 17:42
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*