Шедьтэмын Ижысь архитекторлэн Семён Дудинлэн шай вылысьтыз плита

Удмурт Дунне
By Удмурт Дунне Январь 12, 2018 12:15

К. Герд нимо Йӧскалык музейын ужасьёс шедьтӥзы Ижысь архитекторлэн Семён Емельянович Дудинлэн (1779 — 1825 г.) шай вылысьтыз плитаез. Та дырозь со ыштыса улӥз.

— Та шедьтос — туж дуно арбери, туала вакытэ улӥсь адямиослы со возьматэ быдӟым архитекторлэсь данзэ, — вера Удмурт кун университетысь профессор, история наукаосъя доктор Е. Шумилов.

Семён Емельянович Дудин Ижысь нырысетӥ профессиональной архитектор. Вордӥськемын со Санкт-Петербургын, йылпумъямын Художествоосъя академиез. Ас вакытаз ыстэмын вал А. Дерябин доры Иже пыӵал лэсьтонъя завод пуктыны. Со ик ӝутӥз заводлэсь валтӥсь юртсэ, Арсеналэз, Тройчалы сӥзем черкез, З. Лятушевич вузчилэсь корказэ. Ижкарлэсь туссэ кылдытэмез понна архитектор дунъямын Дун-чылкыт Анналэн III степенё но Владимирлэн IV степенё орденъёсынызы.

Семён Дудин улонысь кошкиз 1825-тӥ арын, ватэмын Ижысь Тройчалы сӥзем шайвылын. Пересьёслэн верамзыя тодмо вал, солэн шаез Йӧ дворецлэн лымшор палаз интыяськемын шуыса.

Йӧскалык библиотека

Удмурт Дунне
By Удмурт Дунне Январь 12, 2018 12:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*