Шаерысьтымы ужбергатӥсьёс тодон-валанзэс будэтозы

Удмурт Дунне
By Удмурт Дунне Январь 18, 2018 14:15

Пумиськон дыръя бадӟым саклык висъямын вал шаерамы гурт удысэз азинтонлы.

Удмуртилэн Тӧроез Александр Бречалов Москваын пумиськылӥз Пичи но шоро-куспо ужбергатонэз азинтонъя федерал корпорацилэн кивалтӥсеныз Александр Браверманэн. Туэ арлы ӵош ужанъя план юнматӥзы.

Пумиськон дыръя бадӟым саклык висъямын вал шаерамы гурт удысэз азинтонлы. Кылсярысь, гурт удысысь предприятиос федерал корпорациен кылдытэм нимысьтыз вотэсбам пыр быгато вузаны асьсэлэсь вуззэс. Озьы ик кутэм планын гожтэмын, шаерысьтымы ужбергатӥсьёс понна дышетсконъёс ортчылозы шуыса.

Кызьы ивортӥз Удмуртилэн Тӧроез Александр Бречалов, берло 11 толэзь куспын шаерамы ужбератӥсьёслэн лыдзы 4,2 процентлы йылӥз, кылем арлэн нырысетӥ палараз соос 2 поллы уногес уксё бергатыны кутскизы.

Та дырлы Россиысь выт бичанъёсъя службалэн реестраз Удмуртиысь 58 сюрс 400 пичи но шоро-куспо предприятиос лыдъясько: 23 сюрсэз — микропредприятиос, 2 сюрс 470-эз — пичи предприятиос, 220-ез — шоро-куспоосыз, 32 сюрс 500-ез — нимаз ужбергатӥсьёс. Таос Удмуртиысь котькуд 4-тӥ адямилы уж сёто.

Валамон, предприятиослы азинскыны уксё кулэ. Удмуртиысь ужбергатӥсьёс банкъёслэсь ӧжыт уг пунэмаськыло. Россиысь мукет улосвылъёсын ӵошатыса, та лыдпусъя шаермы 22-тӥ интыын сылэ.

Ужбергатон мед азинскоз шуыса, шаерамы трос вамышъёс лэсьтӥсько. Кылем ар пумын кылдытэмын вал Удмуртиез азинтонъя корпорация. Татын ужбергатӥсьёс котькуд юанзылы пыр-поч валэктон шедьтыны быгато.

Сергей Захаров

Туспуктэм: Корпорация МСП

Удмурт Дунне
By Удмурт Дунне Январь 18, 2018 14:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*