Пневмония пумысен валэктон уж нуозы Роспотребнадзорысь ужасьёс

Удмурт Дунне
By Удмурт Дунне Январь 15, 2018 15:58
емельянова

Лыдпусъёс возьмато: кылем арын, азьло аръёсын ӵошатыса, пневмониен черламъёс 13 процентлы тросгес луизы.

18-тӥ январе 10 часысен 12 часозь Роспотребнадзорысь специалистъёс элькунамы улӥсьёслы пыр-поч вералозы пневмония сярысь.

Лыдпусъёс возьмато: кылем арын, азьло аръёсын ӵошатыса, пневмониен черламъёс 13 процентлы тросгес луизы. Шуге-леке вуиз 8 сюрслэсь ятыр адями. Уката трос соос пусъемын Кез, Сьӧлта, Кияса, Грак, Камбарка ёросъёсын. Жаляса верано, куд-огез черлам муртъёс, юрттэт курыса, эмъясьёс дӥне уг вазисько, ас понназы йӧнатӥськыны выро.

Малы дорын эмъяськыны кышкыт? Кызьы тодмано пневмониез? Кытысь кырмыны луэ висёнэз? Та но мукет юанъёсты кылдӥзы ке, жингыртэ телефон номеръёсъя.

Ижын — 8 (3412) 68-82-10;
Воткаын — 8 (341 45) 5-18-34;
Глазовын — 8 (341 41) 2-79-62;
Можгалан — 8 (341 39) 3-25-75;
Сарапулын — 8 (341 47) 4-03-96;
Эгра каргуртын — 8 (341 34) 4-17-75;
Ува каргуртын — 8 (341 30) 5-12-96.

Элина Кумачёва
Туспуктэм: udmurt.ru

Удмурт Дунне
By Удмурт Дунне Январь 15, 2018 15:58