Йӧвылэсултонэ кытын дасямын люкмесъёс

Удмурт Дунне
By Удмурт Дунне Январь 18, 2018 13:30

Арлы быдэ трос калык люкаське Ижысь ӵыпетэ. Туэ но пыласькон кутскоз 23 часысен.

19-тӥ январе — Йӧвылэсултонэ — тросэз адямиос люкмесын пыласько, лулпушсэс чылкытатыса.

Соин валче спасательёс нимысьтыз пыласькон интыос лэсьтылӥзы. Россиысь МЧС-лэн Удмурт Республикая пресс-службаез ивортэмъя, нимысьтыз чаклам интыосын дежурить карозы спасательёс, полицейскойёс, медикъёс.

Арлы быдэ трос калык люкаське Ижысь ӵыпетэ. Туэ но пыласькон кутскоз 23 часысен. Кынмыса кузь черодын сылэмзы уг поты ке, городъёс Ижлы матысь гурт ӵыпетъёсын пыласькыны быгатозы. Кылсярысь, «Лудорвай» музей-заповедникысь люкмесэз вӧсян ужрад ортчоз 18-тӥ январе 21 часын. Вуэ зымылыны луоз 19-тӥ январьысен 21-тӥ январёзь.

Дэри ёросын улӥсьёсты, «Лудорвайын» сяна, пыласькон интыос витё Гольян, Хохряки, Италмас, Люк, Ожмос, Ягул черкогуртъёсын но Вожойыл гуртын, Дэриысь Молдаван ӵыпетын.

Люкмесъёс дасямын ваньмаз сямен ёросъёсын. Кылсярысь, алнашъёс зымылыны быгатозы Алнаш, Асан совхоз-техникум, Варзи-Ятчи черкогуртъёсысь но Туймыйылысь ӵыпетъёсын. Пичи Пурга ёросын улӥсьёс мынозы Яган, Норъя, Брангурт, Чимошур муниципал кылдытэтъёсысь люкмесъёсы, Пытсам но Каймашур гуртъёсысь ӵыпетъёсы.

Вуэ пырыны мылкыд карисьёслы спасательёс таӵе дэмланъёс сёто:

— дӥсяськоно шуныт;

— купальникъёсты дорын дӥсяно, сьӧрады кутэ на тапочки, халат, пичи выж лёгет; воштӥськон дӥсь;

— вуэ пырон азьын кылиськыны кутсконо улӥысен вылэ;

— мугорез шунтоно, упражнениос лэсьтыса;

— вуысь потыса, соку ик ӵушконо, выж лёгет вылэ султоно яке тапочки кутчано;

— дӥсяськыны кутсконо вылласянь;

— дӥсяськем бере пӧсь чай юоно, умойгес емышен яке турын-куарен.

Валентина Емельянова

Туспуктӥз А. Горбунов

Удмурт Дунне
By Удмурт Дунне Январь 18, 2018 13:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*