Гуртъёсы потазы питран вылын мобильной комплексъёс

Удмурт Дунне
By Удмурт Дунне Январь 17, 2018 09:39

Висёнъёсты алонъя элькун центрысь специалистъёс 14 пол ёросъёсы вуылӥзы. Соос ог 1 сюрс 300 муртэз эскеризы.

Удмуртиын кылем арын бадӟым саклык висъяськиз гуртысь калыкез эмъянлы: гуртъёсы потазы питран вылын мобильной комплексъёс.

Кылем арын азинтэмын вал ӝог эмъюрттэт сётонъя машинаосты выльдон. Удмурт Элькун бюджетысь 75 миллион манет тыр 60 «скоройёс» басьтэмын, соос шаерысьтымы больницаосы келямын.

2017-тӥ ар куспын Нылпи элькун больницаысь врачъёс ёрос больницаосын ужазы яке питран вылын комплексэн валче гуртъёсы потазы. Нылпиосты эскеризы гастроэнтеролог, уролог, кардиолог, эндокринолог, нефролог но мукетъёсыз. Огъя верано ке, городысь нылпи врачъёс 38 пол гуртъёсы вуылӥзы, ортчизы 18 ёросъёстӥ. Соос дӥньын эскериськиз ог 5 сюрс пинал. Сюлмаськон мугъёс сюрылыку, пичиосты эмъяны келяллязы Иже.

Нырысетӥ элькун больницаысь, онкологияя элькун диспансерысь, диагностикая элькун центрысь, висёнъёсты алонъя элькун центрысь специалистъёс 14 пол ёросъёсы вуылӥзы. Соос ог 1 сюрс 300 муртэз эскеризы. Таӵе пумиськонъёс бере 700 мурт тазалыксэ пыр-почгес эскерыны келямын вал.

Кылем арын «Аптеки Удмуртии» огазеяськонлэн сюлмаськемезъя питран вылын ворттылӥсь диагностикая выль комплекс басьтэмын. Сентябрь-декабрь толэзьёс куспын со 43 интыосы потаз. Соин валче, палэнэ ветлытэк, тазалыксэс эскерыны быгатӥзы Можга, Алнаш, Вавож, Кизнер, Грак ёросъёсын улӥсьёс. Сюбег специалистъёс — терапевтъёс, гинекологъёс, неврологъёс, син эмъясьёс — 2 сюрс пала адямиез эскеризы. Шараяськизы лек пыктосэн, сакыр диабетэн, бадӟым вирзӥбетэн курадӟисьёс, тросэзлэн синзы но кӧт пушсы висе. Врачъёслэн калык дӥне тазьы потамзы туэ но азьланьтӥськоз.

Август толэзе асьме доры вуылӥз вал Россиысь тазалыкез утёнъя министр Вероника Скворцова, калыкез эмъян амалъёсмес вылӥ дунъяз. Удмуртилэсь адӟем кароно мукет улосъёслы но, пусйиз со.

УД

Туспуктэм: udmurt.ru

Удмурт Дунне
By Удмурт Дунне Январь 17, 2018 09:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*