Гурт адями-2017: Вашкалазэ пыраклы кельтэ

Удмурт Дунне
By Удмурт Дунне Январь 10, 2018 15:51

Можга ёросысь Комак гуртысь шаерчи, историк Владимир Анатольевич Дмитриев сюлмаськемъя школаямы музей сэрег усьтӥськиз.

Можга ёросысь Комак гуртысь шаерчи, историк Владимир Анатольевич Дмитриев.

 

Ӟеч сямлы пӧрмиз ини: котькуд одӥг чебер сӥзьыл нуналэ, великъёсамы пуксьыса, пиналъёс но дышетӥсьёс потӥськомы бускель гуртъёсы. Тодматскиськом  соослэн кылдэменызы, гурт калыклэн улэм-вылэменыз, ужаменыз. Милемыз озьы ӝутка шаерчимы Владимир Дмитриев.

Потэммылы быдэ одно ик шедьтӥськомы дыр валче шутэтскыны. Тылскем доры ваньмы ӵош пуксиськомы, кырӟаськомы, шыд, ӝук пӧзьтӥськомы, ческыт чай париськомы. Нылпиослы туж кельше инкуазьын шудыны. Малпаськомы, гуртъёстӥ тазьы ортчеммы пиналъёслы туж пайдаё, угось пересьёс улонысь кошко, сьӧразы тодон-валанзэс нуыса. Асьмеос со узырлыкез будӥсь нылпиослы кельтыны кулэ.

Арлыдоос понна но Владимир Дмитриев трос лэсьтэ. Поршур черкысь дьякон луэ.

2013-тӥ арын Комакысь школаямы со быгатӥз  «Мынам пичи вордскем шаере» музей усьтыны. Кыӵе гинэ арбериос, тӥрлык отын люкамтэ! Ваньзэ Владимир Анатольевич ачиз бичаз. Пиналъёсын трос эскерон ужъёс ортчытъя, сям-йылолъёсъя возьматонъёс радъялля. Ас удыссэ вань сюлмысьтыз нуэмзэ нылпиос но шӧдо. Соослы туж кельше шаертодонъя урокъёсы ветлыны.

2014-тӥ арын туристъёслы «Тур — Поршур» маршрут усьтӥськиз. Куноос Комакысь музее но пырало. Кытысь гинэ соос ӧз вуылэ ни: Москваысь, Франциысь, Санкт-Петербургысь, Китайысь, Лымшор Осетиысь, асьме палъёсысь но ӧжыт ӧй вал.  Ваньзы паймыса кошко, пичи интыын такем рос-прос, адӟем карымон музей кылдытэмын шуыса.

Гуртоослэн куремзыя гожтӥз
Можга ёросысь  Комак гуртын улӥсь

Елена  Васильева

 

 

Удмурт Дунне
By Удмурт Дунне Январь 10, 2018 15:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*