«Билингва» ужрадъёсы пыриськыны быгатозы мукет выжы калыкъёсысь семьяос

Удмурт Дунне
By Удмурт Дунне Январь 18, 2018 11:10

Семинар дыръя ужалозы пӧртэм площадкаос. 2-9 аресъем пиналъёс шудыса тодон-валанзэс паськытатозы. Анай-атайёс котырес ӝӧк сьӧры пуксёзы/

27-тӥ толшоре Ижысь Эшъяськон юртын «Билингва» удмурт центр но «Удмурт Кенеш» огазеяськон кык кылын вераськонлы сӥзем семинар ортчытозы. Ужрад Президентлэн грантъёсъя фондэз но Нациосын ужан политикая министерстволэн юрттэмзыя радъяськоз.

Тодэ вайытон понна: «Билингва» центрлэн нылпиосты кык кылын вераськытонлы сӥзем проектэз Президентлэсь грантсэ утӥз. Кызьы пусйиз проектлэн кивалтӥсез Татьяна Волкова, грантлы луыса удмурт центр аслэсьтыз ужзэ паськытатоз. Семинарлэн ужаз, удмурт кылэз тодӥсь анай-атайёс но пиналъёс сяна, пыриськыны быгатозы мукет выжыысь семьяос но вань мылкыд карисьёс, кинэ сюлмаськыто анай кылэз утён ужпумъёс.

Семинар дыръя ужалозы пӧртэм площадкаос. 2-9 аресъем пиналъёс шудыса тодон-валанзэс паськытатозы. Анай-атайёс котырес ӝӧк сьӧры пуксёзы, валче кенешозы кык кыллы дышетонэн герӟаськем сюлмаськонъёс, ужпумъёс пумысен, вераськозы кылэз вӧлятон амалъёс сярысь. Семинарлэн ужаз пыриськозы дышетӥсьёс, нылпи психолог но логопед.

Таӵе семинаръёс быдэс ар ӵоже радъяськозы. Чакламын ваньзэ 7 пумиськон ортчытыны.

Семинар Эшъяськон юртын (Ижкар, Орджоникидзе урам, 33-а юрт) 11 часын 27-тӥ январе кутскоз. Регистрация 10 час 30 минутысен усьтӥськоз. Семинар пумысен юанъёсын вазиськыны луэ проектлэн кивалтӥсезлы, филология наукаосъя кандидатлы Волкова Татьяна Геннадьевналы 89048304946 телефон номеръя.

«Билингва» удмурт центр

Туспуктэм: vk.com («Билингва»)

Удмурт Дунне
By Удмурт Дунне Январь 18, 2018 11:10