Шаерамы вуизы Россиысь Правительстволэн кивалтӥсезлэн воштӥсез Аркадий Дворкович но транспортъя министр Максим Соколов

Удмурт Дунне
By Удмурт Дунне Январь 12, 2018 17:34

Аркадий Дворкович но Максим Соколов тодматскизы Ижысь предприятиосын  — «Калашников» концернэн, «Комос» предприятиен но мукетъёсыныз.

Шаерамы туннэ ужало Россиысь Правительстволэн кивалтӥсезлэн воштӥсез Аркадий Дворкович но Россиысь транспортъя министр Максим Соколов. Кивалтӥсьёс люкаськылӥзы Ижысь машина лэсьтонъя заводэ.

Удмуртилэн Тӧроез Александр Бречалов куноосты тодматӥз шаерамы 3 тужгес сюлмаськытӥсь ужпумъёсын. Со сюресъёсты лэсьтон, Ижысь аэропортэз тупатъян но Камбаркаысь портэз лэсьтон. Таос бордын элькунмы туэ пыр-поч ужаны чакла.

Бӧрысь Аркадий Дворкович но Максим Соколов тодматскизы Ижысь предприятиослэн  — «Калашников» концернлэн, «Комос» предприятилэн но мукетъёсынызлэн — вузъёсынызы.

Пумиськонлэн пумаз вылӥ кивалтӥсьёс пуксизы «LADA Ижевск» заводын потӥсь машинаослэн руль сьӧразы. Соос ас вылазы шӧдизы Лада Веста но Лада SW Cross машинаослэсь кужымзэс.

Ангелина Снигирёва
Туспуктэм: udmurt.ru

Удмурт Дунне
By Удмурт Дунне Январь 12, 2018 17:34