Удмуртиысь Ульяна Кайшева дуннеысь биатлонистъёслэн кубок понна нюръяськоназы пыриськоз

Удмурт Дунне
By Удмурт Дунне Декабрь 11, 2017 15:43
 rsport.ria.ru

Кылем шутэтскон нуналъёсы спринт но преследование амалъёсын Ульяна Кайшева зарни медальёс утӥз.

Европаысь биатлонистъёслэн кубок понна нюръяськонзылэн 2-тӥ люкетэз Швейцариысь Ленцерхайде городын йылпумъяськиз.

Россилэн командаяз бызьыло Удмуртиысь Ульяна Кайшева но Александр Поварницын. Кылем шутэтскон нуналъёсы спринт но преследование амалъёсын Ульяна Кайшева зарни медальёс утӥз. Выль ар бере сое кутозы дуннеысь биатлонистъёслэн кубок понна нюръяськоназы.

Александр Поварницынлы нимаз стартъёсын вормон басьтыны ӧз удалты на. Со понна Россилэн суро командаеныз эстафета дыръя 2-тӥ инты басьтӥз.

Валентина Емельянова

Туспуктэм: rsport.ria.ru

Удмурт Дунне
By Удмурт Дунне Декабрь 11, 2017 15:43