Синву вия, вишты лоба. Малы?

Удмурт Дунне
By Удмурт Дунне Декабрь 7, 2017 10:45

Синву вия, вишты лоба. Малы?

Реклама

Синвуэ бӧрдытэк но весь вия, йыры висе. Лыдӟиськыны кутскисько ке, син азям бус люкаськем кадь луэ. Синме, золгес зыраса, ӵушылӥсько ке, вотэс усе кадь, огшап нош лыдӟиськеме луэ. Куддыр ур но потэ на. Маин та ваньмыз герӟаськемын?

Юлия Ю.

Можга ёрос

 

Валэктэ Ижысь «Мона Лиза» син эмъянъя клиникаысь врач Наталья Шитова

Синву виянлэн кӧня ке мугез луыны быгатэ. Со воспаление ке, соку врач бактериосын но воспалениен нюръяськись препаратъёс ӵектэ. Но куддыр синву кошкон пасьёс сюбегало, ӵоксасько, синву, со пасьёсы тэрытэк, кыре потэ. Сыӵе дыръя хирургъёс юртто.

Син азяды бусаське ке, со катаракталэн кутсконэз луыны быгатоз. Син висёндылэсь рос-прос мугзэ тодон вылысь вазиськыны быгатӥськоды Ижысь «Мона Лиза» клиникае. Офтальмолог визь-кенеш сётоз, нимысьтыз эскеронъёс  ортчытоз. Гож-тӥськоно 8(3412)57-20-30

номеръя.

Вишты лоба

Пиелы 7 арес. Синмыз медаз быры шуыса, компьютерен но телефонэн шудонлэсь алӥсько. Медосмотр ортчыкумы, синмыз умой адӟе, шуизы. Но пие берло дыре нуналлы быдэ ӝожтӥськыны кутскиз, син азяз тӧдьы я пурысь лобась котырес виштыос адӟисько шуыса. Куддыр кутъёслэсь кадь соослэсь шонаське, люкето, пе.

Алёна Ф.

Иж

Виштыос син азе ӵемысь пото, вирсэръёс лябесь, сахарной диабет вань ке.  Мугорысь веществоослэн вошъяськемзы сураськемын луыны быгатоз.

Ӧжытгес телевизор азьын пуконо, лыдӟиськоно югыт азьын. Сиёно тросгес витамин. Пайдаё луо ӝукъёс, быглес ю тысьлэсь пыжем нянь, чорыг, зарезь сиёнъёс, йодированной сылал. Компьютерлэсь воксё люкыны уг яра — синмыз экранлы мед дышоз, сотэк школаын секыт йӧтоз.

Рос-прос эскериськон понна дэмласькомы вазиськыны нылпиослы чаклам Ижысь «Линзочки» офтальмологияя центре. Гожтӥськоно 8(3412)524-111 номеръя.

Удмурт Дунне
By Удмурт Дунне Декабрь 7, 2017 10:45