«Пельнянь шудонъёсы» пыриськозы Россиысь улосвылъёс

Удмурт Дунне
By Удмурт Дунне Декабрь 12, 2017 16:43

«Пельнянь шудонъёсы» пыриськозы Россиысь улосвылъёс

1-тӥ-10-тӥ тулыспалэ Удмуртиын ортчоз пельняньлы сӥзем фестиваль. Таяз радэ со куное ӧте быдэс Россиысь калыкез… шудыны пельнянь шудонъёсын.

Фестиваль паськыталоз. Нырысь ик, выль шулдыръяськон интыос пазьгиськозы Шор площадьысен тымет ярдурозь. Собере — фестивальын котькудӥз аслыз уж шедьтоз. Кибашлыос «Зарни киос» конкурсэ пыриськозы, пӧраськисьёс «Зарни пельнянь» премия понна вожвылъяськозы, спортэн вырисьёс калык шудонъёсын нюръяськозы — ӵапак берлояз ик асьсэ командаосынызы лыктозы быдэс Россиысь улосвылъёс но элькунъёс.

Со сяна, котьку сямен та бадӟым шулдыръяськонын луоз мастер-классъёсы пыриськыны, кӧт тырымон пельнянь сиыны, аслыд но пӧраськыны. Выль сиён рецептъёс утчаны лыктозы Россиысь «Ческыт страна» сиён-юонъя картаез лэсьтӥсьёс.

Вераны кулэ, пельняньлы сӥзем фестиваль шаерамы 2015-тӥ арысен ортчылэ ни. Кылем арын со куноятӥз 35 сюрс адямиез, соос сиизы 74 сюрс 59 пельнянь — таӵеез ӧй вал на быдэс Россиын. 0+

Сергей Захаров

Туспуктэм но видео: vk.com

Удмурт Дунне
By Удмурт Дунне Декабрь 12, 2017 16:43