Кин пыриськоз Гурт шудонъёсы?

Удмурт Дунне
By Удмурт Дунне Декабрь 12, 2017 13:10

Кылем шутэтскон нуналъёсы ёросъёсысь командаос Гурт шудонэ пыриськон понна вожвылъяськонзэс мытӥзы.

Тол шудонъёслэн пуссы.

24-тӥ Гурт тол шудонъёс Пичи Пурга черкогуртын вуоно арын февраль толэзь пумын ортчозы. Кылем шутэтскон нуналъёсы командаен шудонъёслы кутскон сётэмын ни. Вань ёросъёс 3 зоналы люкемын. Ас зонаосазы вормисе потэмъёс Гурт шудонэ мынозы ке, 2-тӥ интые потэмъёс мукет зонаосысь 2-тӥ интые потэм командаосын пумиськылозы. Отын вормисьлы гинэ удалтоз Гурт шудонэ пыриськыны.

Яр каргуртэ люкаськылӥзы баскетболэн шудӥсь воргоронъёс — Яр, Дэри, Глазов, Юкаменск, Балезино но Дэбес ёросъёсысь командаос. 2 нунал ӟырдыт нюръяськемзы бере вормисьёс луизы Дэри ёросысь воргоронъёс, 2-тӥ но 3-тӥ интые потӥзы Яр но Дэбес ёросъёсысь командаос. Мукет зонаосысь баскетболистъёс 16-тӥ-17-тӥ декабре Сигаевоын но Ува каргуртын пумиськылозы.

Командаен шудӥсьёс зонаосын вожвылъясько ке, шашки-шахматэз яратӥсьёс ваньзы ӵош шудо. Озьы 16-тӥ-17-тӥ декабре Дэбесын ортчоз шахматэн шудонъя ӵошатскон, 23-тӥ но 24-тӥ декабре Уваын — шашкиен. Кужмоосыз 5 командаос Гурт шудонъёсы мыныны путёвка утозы.

Валентина Емельянова

Удмурт Дунне
By Удмурт Дунне Декабрь 12, 2017 13:10
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*