«Гуртысь эмчи» программае воштонъёс пыртэмын

Удмурт Дунне
By Удмурт Дунне Декабрь 7, 2017 14:04

Ижысь медакадемиез йылпумъяса, Н. Михайлова ужа Пичи Пурга черкогуртын пинь йӧнатӥсь луыса. «Гуртысь эмчи» программая 2012-тӥ арын миллион басьтӥз.

Кун Думаын туэ ар понна берлозэ ортчем «Правительстволэн часэз» сӥземын вал тазалыкез утён удысэз азинтонлы.

Депутатъёс азьын доклад лыдӟиз министр Вероника Скворцова. Ӝутэмын тужгес сюлмаськытӥсь ужпумъёс, соос пӧлын — гуртъёсы егит специалистъёсты кыскон. В. Скворцова верамъя, берло 5 ар ӵоже гуртэ ужаны кошкизы 26 сюрс врачъёс. «Гуртысь эмчи» программае воштонъёс пыртэмын вал, табере отчы пыриськыны быгато 55 аресозь специалистъёс. Вуоно арысен быдэн 1 миллион манет сётӥськыны кутскоз пичи городъёсы (моногородъёсы) ужаны интыяськисьёслы но.

Кызьы вераз Кун Думалэн депутатэз Валерий Бузилов, «Правительстволэн часаз» озьы ик ужпум ӝутэмын вал куд-ог категориосы пырисьёслы дунтэк эмъюмъёс люкылон пумысен но.

Элина Кумачёва

Туспуктӥз А. Горбунов

Удмурт Дунне
By Удмурт Дунне Декабрь 7, 2017 14:04