Елабугаын удмуртъёслэн нырысетӥ ӧтчамзылы сӥзем конференция ортчоз

Удмурт Дунне
By Удмурт Дунне Декабрь 13, 2017 12:58

«Удмурт Кенеш» огазеяськон 2018-тӥ арын Елабугаын бадӟым конференция ортчытыны чакла. Со сӥземын луоз удмуртъёслэн нырысетӥ ӧтчамзы дырысен 100 ар тырмонлы.

1918-тӥ арын Елабугаын ортчиз удмуртъёслэн нырысетӥ съездзы.

— Ужрадмес вуоно арын 18-тӥ куартолэзе ортчытыны кенешимы, — шуэ «Удмурт Кенеш» огазеяськонлэн тӧроез Татьяна Ишматова. — Конференциын ужалозы 5 секциос: егитъёс, культурая но туризмъя, «Удмурт Кенешлэн» кар, ёрос но гурт ёзъёсыныз кивалтӥсьёс понна, школалэсь азьвыл но школаын визьнодасьёс понна.

Озьы ик тодмо ини, конференцилэн пленарной люкетаз Максим Прокопьев югдытӥсь сярысь бадӟым доклад чузъяськоз шуыса. Ӵапак солэн но сюлмаськемезъя 1918-тӥ арын Елабугаын удмуртъёслэн нырысетӥез ӧтчамзы люкаськылӥз.

Бадӟым ужрад йылпумъяськоз экскурсиен.

— Ортчомы Елабугаысь удмуртлыкен герӟаськем интыостӥ, — вера Татьяна Витальевна. — Нош соос отын ӧжыт ӧвӧл: огаз юртын потӥз «Гудыри» газетлэн нырысетӥ номерез, мукетаз, удмуртъёс пала дурбасьтыса, Мултан ужъя вераськиз В. Короленко…

Татарстанын али но удмуртъёслэн куаразы чузъяське. Мамадыш ёросын кылем арын гинэ удмуртъёслэн огазеяськонзы кылдӥз. Отчы пыризы Пойкиноысь, Улын но Вылын Учаосысь улӥсьёс. Соос мылысь-кыдысь ортчытъяло удмурт шулдыръяськонъёс, люкаськыло пукон ӝытъёсы. 3 коллективъёссы концертъёсы палэнэ но потало.

Елена Рябина

Удмурт Дунне
By Удмурт Дунне Декабрь 13, 2017 12:58
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*