Егит драматургъёс пӧлын вожвылъяськон ялэмын

Удмурт Дунне
By Удмурт Дунне Декабрь 5, 2017 12:11

Кин гожтоз кинолы сценарий?

Нимаське со «Выль пьеса, выль сценарий, выль сценка». Конкурсэз ортчытэ Удмуртиысь Писательёслэн огазеяськонзы, юрттӥсько Культурая но туризмъя министерство, Удмуртиысь Тетар удысын ужасьёслэн огазеяськонзы, «Удмурт Кенеш» огазеяськон но мукетъёсыз.

Конурсэ луэ лэзьыны авторской пьеса, киносценарий, классикъёслэн но туала гожъяськисьёслэн выжыкылъёссыя лэсьтэм инсценировка но КВН командаослы яке концертын шудӥсь мукет группаослы чаклам сценкаос (таяз номинацие ӧжытсэ лэзёно 3 произведение). Вань ужъёс кутӥськозы 1-тӥ южтолэзёзь. Нимтулдэс пусйыса, лэзёно udmurt-drama@mail.ru электрон адресъя.

Вераны кулэ, конкурсэ пыриськыны быгато 23 аресозь егитъёс. Тросэзлэн юанзы кылдэ, арлыдъя малы сокем чурыт куронъёс? Кызьы вераз конкурслэн огез радъясез Сергей Антонов, вуоно арын таӵе ик конкурс ялэмын луоз 23 ареслэсь мӧйыгес гожъяськисьёс куспын.

Конкурсэ лэзем ужъёсты учкозы тодмо драматургъёс но режиссёръёс, дэмланъёссэс вералозы, озьы авторъёс асьсэ произведениоссэс тупатъяны быгатозы на. Собере кылдытэмын луоз шорт-лист, отчы котькуд номинациысь ог 3 произведениос пырозы.

Тужгес усто ужъёс, коньдонкузьым басьтэм сяна, альманахын поттэмын луозы.

Мария Векшина

Удмурт Дунне
By Удмурт Дунне Декабрь 5, 2017 12:11