Депутатъёслы 1 миллион манет висъяськылэмысь дугдоз?

Удмурт Дунне
By Удмурт Дунне Декабрь 7, 2017 12:54

Депутатъёслы 1 миллион манет висъяськылэмысь дугдоз?

2014-тӥ арысен депутатъёслы 1 миллион манет висъяськылӥз бырйисьёслэсь куронъёссэс быдэстон понна. Но депутатъёс таӵе луонлыксэс ыштыны быгатозы.

Кызьы вераз коньдон ужпумъёсъя министр Станислав Евдокимов, уксё висъянэз дугдытыны кулэ Удмуртиысь Правительство но Россиысь Коньдон ужпумъёсъя министерство куспын гожтэм огкылъя. Та куронэз ӧм быдэстэ ке, республикамы 361 миллион манетсэ ыштоз — сое уз келя Москва.

Депутатъёслэн тае валамзы уг поты.

— Уксёез кутӥськом вал бырйиськисьёслэсь чыры-пыры куронъёссэс быдэстонлы: косякъёссэс вошъяны, липетъёссэс кышъянлы, — шуиз Павел Чушъялов депутат. — Бырйисьёслэн куронъёссы уз быре, нош уксётэк кызьы соосты быдэстыны луоно?

Бюджетъя, вытъя но коньдон ужпумъёсъя ялан ужась комиссилэн кивалтӥсез Юрий Тюрин но 1 миллион манетлэсь кулэлыксэс пусйиз.

— Со коньдонэн Дэри но Эгра ёросъёсысь 2 выжез тупатӥм, 45 сюресъёс волятэмын, 55 нылпи площадка усьтэмын, 220 дышетон организациослы 1-тӥ сентябрьлы дасяськыны юрттэмын, уно ошмесъёс сузямын, синпелетъёс утялтэмын…

Та ужпумез эскерон борды депутатъёс берытскозы 13-тӥ декабре, соку ужзэ азьланьтоз Кун Кенешлэн 2-тӥ сессиез.

Элина Кумачёва
Туспуктэм: udmurt.ru 

Удмурт Дунне
By Удмурт Дунне Декабрь 7, 2017 12:54