Ас киын лэсьтэм кузьым – шунытгес!

Удмурт Дунне
By Удмурт Дунне Декабрь 28, 2017 11:12

Туэ Удмуртилэн Тӧроез Александр Бречалов, шаерысьтымы киужъёсъя центръёстӥ ветлыкуз, асьме кибашлыослэн ужъёссылы синмаськиз, соку ик малпанэз кылдӥз Выль арлы кузьым басьтыны нылпи юртъёсысь усточиослэсь.

Ас киын лэсьтэм кузьым.

Ас киыныд кузьым” акцие пыриськизы 13 нылпи юртъёс, 10 социально-реабилитационной центръёс, ляб визьем нылпиослы 2 интернатъёс но наркологияя диспансерысь быдэ вумтэосты эмъянъя центр. Тӧролэн но Кивалтэтлэн администрацизы та сямез йылоллы пӧрмытыны чакла – озьы асьмеос шуг югдуре шедем нылпиослы пичи ке но ватсаса юрттыны быгатом, лыдъяло радъясьёс. Вылаз ик, пиналъёслы бадӟымгес луонлыкъёс усьтӥсько творчествоен вырыны.

Выль ар азьын Александр Бречаловлэсь таӵе кузьымъёссэ басьтӥзы шаерысьтымы вань кивалтӥсьёс.

Вераны кулэ, «Удмурт дунне» газет но та акция борды итӥськиз. Озьы реакциысь журналистъёс потазы Алнашысь нылпи юртэ, мастер-класс ортчытӥзы, озьы пиналъёс ас киынызы Выль арлы кузьымъёс лэсьтӥзы.

Зинаида Рябинина

 

«Удмурт дунне» газетысь журналистъёс Алнашысь нылпи юртысь пиналъёслы мастер-класс ортчытӥзы

Удмурт Дунне
By Удмурт Дунне Декабрь 28, 2017 11:12
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*