Вытлэн быдӟалаез воштӥськиз

Удмурт Дунне
By Удмурт Дунне Ноябрь 13, 2017 10:13

2016-тӥ ар понна музъем понна выт тыронъя уведомлениос вуизы. Мукет аръёсын ӵошатоно ке, вытлэн быдӟалаез бадӟымгес. Маин со герӟаськемын?

Музъемлэн кадастръя дуныз воштӥськиз.

Ёросъёсысь но городъёсысь участокъёслэн, промышленной удысын кутӥськись музъемлэн кадастръя дунзы воштӥськиз. Музъем но пӧртэм интыын, пӧртэм сюрес вылын, пӧртэм коммуникациос котырын интыяськемын уго. Соин ик дунзэс но табере выль сямен учко. Удмуртиысь Правительство куремъя шаерамы кадастръя дунъет сётон ортчытэмын вал. Соин выриз Пермь улосвылысь Ростехинвентаризацияя федерал БТИ. Но дунъёсты выль сямен учкон одно ик соосты будэтон понна лэсьтэмын ӧй вал. Куд-ог музъем участокъёс воксё но дунтэмазы, соослы выт тырон но кулэсмиз, мукетъёсыз — дуноязы. Кылсярысь, Дэбес черкогуртын личной подсобной хозяйство возён понна висъям участоклэн дуныз будӥз 77 сюрс манетысен 159 сюрс манетозь, нош Ижысь «Рассвет» сад-бакчаын 163 сюрс манетысен 125 сюрс манетозь усиз.

Участоклэсь кадастръя дунзэ тодон вылысь Росреестрлэн сайтаз пыроно. Со сяна, 8-800-100-34-34 номеръя дунтэк жингыртыны но иворез тодыны луэ. Озьы ик МФЦ-е вазиськыны луэ. Вань ивортонъёс-справкаос сётӥсько дунтэк.

УД

Туспуктӥз А. Горбунов

Удмурт Дунне
By Удмурт Дунне Ноябрь 13, 2017 10:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*