«Удмурт дунне» ялэ «Тол бабай ке луысал…» вожвылъяськон

Удмурт Дунне
By Удмурт Дунне Ноябрь 30, 2017 15:46

Пичи нылпиос Тол бабайлы гожтэтъёс дасяны кутскизы ни, луоз. Нош бадӟымъёсызлэсь малпанъёссэс быдэстыны, оло, ми но быгатом. Ялӥськом «Тол бабай ке луысал…» вожвылъяськон.

Конкурсэ пыриськыны быгатозы 7-тӥ но солэсь бадӟымгес классъёсын дышетскись нылпиос. Вормисьёсты быръём 2 номинацияя.

Нырысетӥяз витиськом гожтэтъёсты, кудъёсаз ӝутэмын луыны кулэ ужпум: кызьы улэ гуртэ, мар мон карысал сое азинтон понна.

Кыкетӥяз пусъём «Выль ар — мынам гуртам» темалы сӥзем суредъёсты. Возьматыны луоз семьяяды, гуртады Выль арез пумитан сям-йылолъёсты.

Валтӥсь кузьымъёсмы — «Шундыкар» лагере 2 путёвка: одӥгез гожъяськисьёслэн, мукетыз суредаськисьёслэн отрядазы. Та сяна, луозы синпель, ческыт кузьымъёс.

Нылпиослы гожтэтъёссэс, суредъёссэс пӧръяны, оло, анай-атайёс но, дышетӥсьёс но юрттӥськозы — тае умоен гинэ лыдъялом.

Конкурс ортчытон сярысь положениен пыр-поч тодматскыны быгатоды www.udmdunne.ru сайтамы. Юанъёсты кылдыку, жингыртыны луоз 8(3412) 73-33-42 яке 8-951-195-37-66 номеро телефонъёсъя. Ужъёсты ыстоно udmdunne@yandex.ru электрон адресъя. Кутом почта пыр лэзем гожтэтъёсты-суредъёсты но, таоссэ келяно 426008 Ижевск, Карл Маркс ульча, 274 номеро юрт адресъя.

Удмурт дунне

Удмурт Дунне
By Удмурт Дунне Ноябрь 30, 2017 15:46