Тол ни я сӥзьыл на?

Удмурт Дунне
By Удмурт Дунне Ноябрь 15, 2017 09:52

Берло дыре толалтэос вакчиесьгес, сӥзьылъёс кузесьгес луизы.

Кылем арын 10-тӥ-11-тӥ ноябре ик шаерамы интыен-интыен 25 градусозь кезьытскылӥз, музъем вылын лымы кузёяськиз. Нош туннэ зор-кот усе, пыд улын супыр-сапыр вазе. Удмуртиысь инкуазез эскеронъя центрысь валтӥсь синоптик Алла Шумихина верамъя, туэ толэ выжон нуйтӥськемын.

Кытын ке тол декабре вуэ, кытын ке — ноябрь шорын. Асьме дорын — октябрь пумын — ноябрь кутсконын. Толлэн кутсконэз ӟырт кезьытъёсын мертаське. 5 нунал ӵоже 0 градуслэсь улӥын кезьыт возиське ке, озьыен, тол вуэ, шуыны луэ. Но та вакыт ортчем бере но шунытъёс берытско на ке, тол вуиз ни шуыны нокызьы уг луы, шуэ Алла Шумихина.

Синоптик пусъемъя, 1970-тӥ арысен тол ялан бергес но бергес вуэ. 10 армысь 3 нуналлы шорлыдын ӝега. Туннэ укно сьӧрын метеорологъёслэн чакламзыя толалтэ ни. 21-тӥ октябре ик кезьыт кариськиз ни уго. Зэм, лымы ӧвӧл на. Но тол вуэм бере лымы кема усьытэк быгатэ на, шуэ Алла Шумихина.

Елена Сараматова

Удмурт Дунне
By Удмурт Дунне Ноябрь 15, 2017 09:52