Калыклы юрттон азьланьтӥське

Удмурт Дунне
By Удмурт Дунне Ноябрь 14, 2017 13:18

Ижысь Удмуртской ульчаын кышкыт учыр луэм бере калыклы юрттэт сётон азьланьтӥське.

Быремъёслэн семьяоссылы 1 миллион манет сётон вылысь документъёсты бичаны кутскизы

Калыкез утён, семья но демография политикая министрерство ивортэмъя, толон 14 часысен 10 сюрс манет сётыны кутскемын Удмуртской ульчаысь 261 номеро юртысь 1-тӥ-4-тӥ подъездъёсын улӥсьёслы. Берло нуналъёс куспын 10 сюрс манет басьтӥз 336 адями, со пӧлысь 151-езлы сётэмын вал 13-тӥ ноябре. Соослы сётӥське на гуманитарной юрттэт.

Озьы ик 13-тӥ ноябрьысен кутскизы быремъёслэн семьяоссылы 1 миллион манет сётон вылысь документъёсты бичан. Нимысьтыз распоряжение гожтэмын. 2 семья вань документъёссэ сётӥз ни.

Тодэ вайытон вылысь, Правительстволэн Председателез Ярослав Семёнов 12-тӥ ноябре онлайн-брифинг дыръя шуиз: бырем адямиослэн семьяоссылы 1 миллион манет сётыны кутсконо та арняысен.

Сергей Захаров

Туспуктэм: udmurt.ru

Удмурт Дунне
By Удмурт Дунне Ноябрь 14, 2017 13:18