Йыре тэронтэм…

Ангелина Снигирева
By Ангелина Снигирева Ноябрь 12, 2017 15:00

Коркан пуштон учыръя уголовной уж ӝутэмын

Россиысь Следственной комитет ивортэмъя, Ижысь Удмуртской урамысь 261-тӥ юртлэн подъездэз куашкамъя нырысь ӝутэмын вал РФ-ысь УК-лэн 238-тӥ статьялэн 3-тӥ люкетэзъя уж (кышкытлыклэсь утиськонэз тӥяса ужъёс лэсьтон) , но бӧрысьгес полицейскойёс ӝегатӥзы та коркан улӥсь Александр Копытовез. Ӵапак солэн квартираяз газ пуштӥз 9-тӥ шуркынмонэ. Кышкыт учыр луытозь, со татын улэм анаеныз.
Следственной ужрадъёс ортчытыса, Копытовен допрос ортчытыса, ӝутэмын мукет статьялэн тодметъёсызъя уголовной уж — кышкыт амалэз уже кутыса, кык но солэсь тросгес адямиосты быдтон (105-тӥ ст, 2-тӥ ч). Азьвыл эскеронъёсъя А.Копытов, квартираысь газэз юромо лэзьыса, сад-бакчаяз кошкем. Озьы солэн пунэмзэ берыктэмез потэм сое серем карись бускельёсызлы. Но следственной ужъёс азинско. Следовательёс малпамъя, воргорон лулсэр висёнэн курадӟе, сое пыр-поч эскерыны кулэ.
Туннэ сое судэ нуизы.

УД

Фото Александр Горбунов

Ангелина Снигирева
By Ангелина Снигирева Ноябрь 12, 2017 15:00