Ижысь пиналъёс данъязы Быдӟым ожлэсь геройёссэ

Удмурт Дунне
By Удмурт Дунне Ноябрь 14, 2017 13:31

2015-тӥ арысен Ижын эссеосъя «Герои народа — герои страны» вожвылъяськон ортчытъяське. Таӵе кичӧлтонэн потӥз вал Удмуртиысь еврейёслэн центрзы.

http://udmddn.ru/wp-content/uploads/2017/11/2-4-600x275.jpg

Оглом конкурсэ 500-лэсь трос дышетскисьёс пыриськизы.

— Проектлэн валтӥсь ужпумез — бадӟым классъёсын дышетскись пиналъёсты историен тунсыкъяськытон, — шуэ Удмуртиысь еврейёслэн центренызы кивалтӥсь Марк Гольдин.
2015-тӥ арын вожвылъяськонэ вуэм эссеосы, очеркъёсы нимаз бичетэн поттэмын. «Герои народа — герои страны» книгалэн валтӥсь малпанэз — Быдӟым ожын вормонэз матэктӥзы пӧртэм выжыосысь потэм адямиос. 2016-тӥ арын лэсьтэмын вал вакчи фильмъёс Удмуртиысь калыкъёс, Быдӟым ож вакытэ Совето Союзысь Герой нимен пусъемъёс сярысь.
Туэ вожвылъяськонэ 53 дышетскон интыосысь 82 ужъёс келямын вал, нош оглом конкурсэ 500-лэсь трос дышетскисьёс пыриськизы. Дунъясьёс бырйизы 10 устооссэ но 13-тӥ шуркынмонэ данъян ужрадын соосты дипломъёсын но кузьымъёсын пусйизы.
— Таӵе ӟеч проектъёсты элькунын гинэ ӧвӧл, быдэс кунын ортчытъяно, — шуиз нациосын ужан политикая министр Лариса Буранова. — Министерствомы та ласянь юрттыны дась.
Шумпотымон: ваньмыз ик пиналъёс вераллям Быдӟым оже пыриськемъёслы тау карон мылкыдзэс. Эссеоссылэн геройёссы — вордӥськем музъемзэс но калыксэс вань сюлмынызы яратӥсь адямиос, кудъёсыз улонъёссэс ӧз жалялэ тупаса улон понна.

Елена Рябина

Туспуктэм: udmddn.ru

Удмурт Дунне
By Удмурт Дунне Ноябрь 14, 2017 13:31