Фин-угор премиен пусъемын Анастасия Шумиловалэн бичетэз

Удмурт Дунне
By Удмурт Дунне Ноябрь 3, 2017 16:12

Выжы калыкъёслэн программаенызы кылдытэм литературной премиез Анастасия Шумилова «Дыр-эктон» бичетэз понна.

1-тӥ шуркынмонэ тодмо луиз, кин басьтӥз Выжы калыкъёслэн программаенызы кылдытэм литературной премиез. Кылбурчиос пӧлысь пусъемын удмурт автор Анастасия Шумилова «Дыр-эктон» бичетэз понна.

— Шум шумпотэ, — премия басьтэмез пумысен мылкыдзэ вера Анастасия Шумилова. — Ярам, вал адямиос, кин та премие ыстыны ӵектӥз книгаме. Вера Григорьевна Пантелеевалы бадӟым тау рецензиез, вылӥ дунъямез понна. Шумпотӥсько, премиез басьтэме бере выль сборник поттыны быгато шуыса.

Премия туэ 11-тӥзэ сётӥське ни фин-угор кылъёсын гожъяськись авторъёслэн адӟем карымон ужъёссы понна. Программаез улонэ пыӵатэ Эстониысь дышетонъя министерство но Фин-угор литератураослэн ассоциацизы. Кылбурет удысын сяна, озьы ик премия сётэмын проза но нылпиослы произвеениос гожъясьёслы.

Озьы тужгес усто прозаен туэ лыдъямын пор гожъяськисьлэн Светлана Бессоновалэн «Май кечын ÿмажэ» («Куартолэзь нуналлэн чупамез») веросъёсын бичетэз. Нош нылпи литератураын тужгес кужмоез лыдъямын коми писательлэн Нина Обрезковалэн «Петук Васьӧ» («Лӧпшо Вася») и «Дивö-козин» («Йыр поромымон кузьым») книгаосыз.

Премиез басьтон понна конкурсэ 19 фин-угор псиательёслэн ужъёссы вуизы — коми, пор, коми-пермяк, саам, карел но мукетъёсызлэн. Котькуд номинациын премилэн быдӟалаез 833 евро.

Мария Векшина

 

 

Удмурт Дунне
By Удмурт Дунне Ноябрь 3, 2017 16:12