Пыраклы палэнтэмын

Удмурт Дунне
By Удмурт Дунне Ноябрь 10, 2017 16:05

9-тӥ шуркынмонэ тодмо луиз, Олимпиадая калыккуспо комитет (МОК) Россиысь эшшо куд-ог спортсменъёсты 2018-тӥ арын но со бӧрсьы ортчоно Олимпиадаосы пыриськонлэсь алӥз шуыса.

Спортсменъёс пӧлы шедизы Алексей Петухов, Юлия Иванова, Евгения Шаповалова но Удмуртиысь Максим Вылегжанин. 2014-тӥ арын Сочиын ортчем Олимпиадаын басьтэм вормонъёссы таламын. Допинген герӟаськем югдурлы луыса талэсь азьвыл МОК чурыт кылзэ вераз Россиысь мукет спортсменъёс пумысен. «Сьӧд» списоке шедизы Александр Легков но Евгений Белов.

Россиысь спортъя министр Павел Колобков ивортэмъя, та спортсменъёслэн луонлыксы вань на Олимпиада дорозь асьсэлэсь янгыштэм луэмзэс возьматыны.

Валентина Емельянова
Туспуктэм: sportbox.ru

Удмурт Дунне
By Удмурт Дунне Ноябрь 10, 2017 16:05