22-тӥ — 23-тӥ декабре Москваын ортчоз «Огъя Россия» партилэн 17-тӥ ӧтчамез.

Удмурт Дунне
By Удмурт Дунне Ноябрь 10, 2017 15:38

Та сярысь ивортӥз партилэн Валтӥсь кенешезлэн секретарезлэсь ужзэ быдэсъясь Андрей Турчак.

Тодмо ни: съездын эскеремын луозы кык валтӥсь ужпумъёс. Нырысетӥез — партия азьын 2018-тӥ арлы сылӥсь ужпумъёс, кыкетӥез — партилэн кивалтон ёзъёсысьтыз кадръёслэн выльдӥськонзы. Партилэн Валтӥсь кенешезлэн та нуналъёсы ортчем президиумаз куд-ог выль нимъёс юнматэмын ни. Кылсярысь, «Огъя Россия» партилэн ЦИК-еныз кивалтӥсьлэсь ужзэ быдэсъялоз Псков улос Кенешысь депутат Александр Борисов, нош ЦИК-лэсь аппаратсэ валтоз Псков улослэн ик азьвыл губернаторез Максим Жаворонков.

Съездын радъямын луоз партилэн проектъёсыныз адӟытон, ужалозы дискуссиосъя 7 площадкаос. Котькуд 5 сюрс ёзчилэсь 1 делегат бырйыны куремын. Кин Удмуртилэсь мыноз — тодмо луоз декабре. Толэзь кутсконын радъяськоз партилэн элькунысьтымы ёзэзлэн конференциез, соку ик быръёзы делегатъёсты.

Элина Кумачёва.

Удмурт Дунне
By Удмурт Дунне Ноябрь 10, 2017 15:38