Удмуртиын этнографической диктантэз гожтозы 200 интыын

Удмурт Дунне
By Удмурт Дунне Октябрь 27, 2017 10:23

Удмуртиын этнографической диктантэз гожтозы 200 интыын

Этнографической диктант ортчоз 3-тӥ шуркыномонэ. Удмуртиын сое 200 интыосын гожтозы: библиотекаосын, школаосын, кунъюртъёсын…

Диктантэ пыриськыны быгатэ котькуд мылкыд карись, солы 15 ареслэсь тросгес ке. Тодон-валанъёссэс эскерисьёс 30 юанлы валэктон сётозы. Соос 2 пумоесь: одӥгъёсыз герӟаськемын Россиысь улосвылъёсын, калыкъёсын, мукетъёсыз — дуннеысь калыкъёслэн сям-йылолъёсынызы но улэм-вылэменызы.

Вераны кулэ, диктантлэн кичӧлтӥсез луиз Удмурт шаер. Туэ сое 2-тӥ арзэ гинэ гожто ай, но отчы Россиысь вань улосвылъёс но дуннеысь 94 кунъёс пыриськыны мылкыд каризы ни. Удмуртиын улӥсьёс нош ёрос центръёсазы, гуртъёсазы парта сьӧры пуксьыны быгатозы. Кытын диктантэз гожтыны луоз, тододы, mitetno.ru вотэсбаме пырыса.

Нош кин ӧз ваньмы диктантэз, нимысьтыз интые лыктыса, гожтыны, пырелэ mitetno.ru вотэсбаме, отын 3-тӥ шуркынмонысен 10.00 часысен 5-тӥ шуркынмонозь уйшорозь онлайн-юалляськон луоз. Йылпумъянъёсты но та бамысь шедьтоды, соос тодмо луозы 12-тӥ толсуре — Россиысь Конституцилэн нуналаз.

УД

Удмурт Дунне
By Удмурт Дунне Октябрь 27, 2017 10:23