Удмурт кылэз 12 интыосын дышетозы

Удмурт Дунне
By Удмурт Дунне Октябрь 9, 2017 09:27

Туэ удмурт кылэз 12 интыосын дышетозы, 7-ез соос пӧлысь ужалозы ёросъёсын.

 

Ижысь калык удмурт кылъя курсъёсы туж мыло-кыдо мынэ. Шоркарын соос ортчо Эшъяськон юртын, Удмурт кун университетын, К. Герд нимо гимназиын, Гуманитарной лицейын но Ф. Васильев нимо библиотекаын. Азьвыл аръёсы Ижлэн шорсюлмаз улӥсьёс лыкто вал Удмурт театре — туэ та инты ворсаськиз.

Кылем арын кадь ик, удмурт кылэз дышетозы Глазовын, Можгалан, Гракын, Эгралан, таос борды туэ гинэ итӥськизы Сарапул, Балезино но Ува. Курсъёсы гожтӥськыны бер ӧвӧл на, мылкыдды сярысь ивортоно «ВКонтакте» бам пыр: vk.com/udmkyl яке 8-912-010-01-67 телефон номеръя, юано Ангелина Решетниковаез.

Ижын  удмурт кылъя курсъёс ужало таӵе интыосын:

 

Эшъяськон юрт. Орджоникидзе урам, 33-тӥ «а» юрт.

Гуманитарной лицей. Шишкин ульча, 3-тӥ юрт.

К. Герд нимо гимназия. Петров урам, 19-тӥ юрт.

Ф. Васильев нимо лыдӟиськон юрт. Пионерилы 50 ар урам, 22-тӥ юрт.

Удмурт кун университетлэн 2-тӥ корпусэз. Университетской урам, 1-тӥ юрт.

 

Мукет каръёсын но ёросъёсын:

 

Можга,  Т. Борисов нимо колледж. Наговицын урам, 33-тӥ юрт.

Глазов, Глазов ёрослэн администрациез. Молодая Гвардия ульча, 22-тӥ «а» юрт.

Эгра ёрос, К. Митрей нимо ёрос библиотека. Нефтяникъёслэн микрорайонзы, 31-тӥ юрт.

Ува каргурт, П. Блинов нимо ёрос библиотека. Калинин ульча, 13-тӥ юрт.

Грак ёрос, А. Марченко нимо шор ёзо школа. Колпаков урам, 63-тӥ юрт.

Сарапул, «Электрон» культурая юрт, Калинина ульча, 5-тӥ юрт.

Балезино ёрос, интыез тодмо ӧвӧл на.

 

Мария Векшина

Туспуктэм: vk.com (Ангелина Решетникова)

Удмурт Дунне
By Удмурт Дунне Октябрь 9, 2017 09:27